Connect with us

Технологи

АНУ-ын хориг “Huawei”-гийн “5G” технологийн салбарт хүчтэй нөлөө үзүүлж чадахгүй гэв

Оруулсан:

огноо:

АНУ “Huawei” компанийн бүтээгдэхүүнүүдэд хориг арга хэмжээ аваад буй. Тэгвэл энэ талаар тус компанийн үүсгэн байгуулагч, тэргүүн Рэн Жэнфэй “5G” технологийн салбарт хүчтэй нөлөө үзүүлж чадахгүй” хэмээн мэдэгдсэн юм.

Тэрбээр “Бид хориг арга хэмжээнд бэлтгэлтэй байгаа учир 90 хоног бидний хувьд тийм ч  том асуудал биш. Бидний хувьд ажлаа сайн хийх л хамгийн чухал зүйл. АНУ юу хийх нь бидний хяналтаас гадуур зүйл. Хийж буй зүйлээ хамгийн сайнаар хийх нь бидний гол зорилго учраас маш их золиос гаргасан. Тухайлбал, ажилчид маань өөрсдөдөө болон гэр бүлдээ ялангуяа эцэг эхдээ маш бага анхаарал хандуулж байна. Нийгэмд бага ч гэсэн хувь нэмрээ оруулахын тулд АНУ-тай хамтран ажиллахыг хүсэж байгаа учир тэднийг хэзээ ч хүлээн авахад бэлэн.

АНУ-ын улс төрчид бидний хүчийг дутуу үнэлж байж магадгүй. Тэд “5G” технологийн салбарт хүчтэй нөлөө үзүүлж чадахгүй. Ганц үүгээр ч зогсохгүй, манай өрсөлдөгчид ойрын 2-3 жилдээ ч бидэнтэй эн зэрэгцэн ирэх боломжгүй.

“5G” нь “4G”-гээс 20 дахин, “2G”-гээс 10 мянга дахин том. “5G”-гийн нэгжид ногдох эрчим хүч зарцуулалт “4G”-гээс 10 дахин бага ба хэмжээний хувьд 70 хувь жижиг. Mанай бүтээгдэхүүнүүд хэдэн арван жил хэрэглэсэн ч муудахгүй материалуудтай. Энэ нь Европт тун тохиромжтой, тиймээс ч Европ бидэнтэй сайн түншийн харилцаа холбоотой байгаа.

Бид АНУ-ын хамтрагчдаа хаяхгүй бас зөвхөн өөрсдөө өсөж хөгжихийг эрмэлзэхгүй болно, хамтдаа өсөж, хөгжих болно. Энэхүү “тайван үе”-ээр “1+1” бодлогыг сонгосон. Учир нь манайд чип нийлүүлэлтийн тал хувь нь АНУ-аас ирдэг бол нөгөө хагас нь Huawei-гээс ирдэг. Бид дэлхийн нэг хэсэг болохын тулд дэлхийгээс алслагдаж чадахгүй. АНУ-ын хийдэг шиг сайн чипүүд хийж чадна, гэхдээ энэ нь АНУ-аас чип худалдан авахгүй гэсэн үг биш юм” хэмээн онцолжээ.

Эх сурвалж: Өнөөдөр сонин

Технологи

Хятадад хиймэл оюун ухаан ашиглан 10 жилийн өмнө алга болсон 4 хүүхдийг олжээ

Published

on

By

Хиймэл оюун ухаан ашиглан 10 орчим жилийн өмнө хулгайлагдсан 4 хүүхдийг Сичуан мужаас оллоо хэмээн Хятадын Цинхуа агентлаг мэдээлжээ. Мөн тус мэдээлэлд энэхүү явдал хиймэл оюун ухаан болон нүүр царай таних технологи ашиглан сураггүй алга болсон хүнийг олсон хамгийн анхны тохиолдол хэмээсэн байна.

Хятадын технологийн тэргүүлэх компани Tencent-ын хөгжүүлсэн тус хиймэл оюун ухаан Сичуан мужаас өгсөн асар их мэдээллээс шүүн тэдгээр хүүхдүүдийг илрүүлсэн аж. Хиймэл оюун ухаан хамгийн эхэнд 10 жилийн өмнөх зургаар нь тус хүүхдүүдийг одоо ямар царай төрхтэй болсныг таамаглан хайлтаа хийжээ.

Энэхүү технологийн ололт нь хүн хулгайлах гэмт хэргийг таслан зогсоох маш том боломж хэмээн салбарынхан харж байна. Тиймдээ ч Tencent-ын хөгжүүлж буй тус технологийг орон даяар ашиглах талаар Хятадын Аюулгүй байдлын яам ажиллаж байгаа ажээ.

Эх сурвалж: China Radio International

Дэлгэрэнгүй унших

Технологи

Америкчууд зоогийн газраас илүү цахим үйлчилгээнд их зардал гаргаж байна

Published

on

By

Америкчууд ресторан, зоогийн газраас илүү цахим үйлчилгээнд их зардал гаргаж байна. Тус улсын дэлгүүр, худалдааны төвүүдийн үйл ажиллагаа эрчимжиж, өнгөрсөн сард гэхэд 13 нэр төрлийн дэлгүүрээс 10-ынх нь борлуулалт жилийн дүнгээр өсжээ.

Хэдий тийм боловч цахим худалдаа газар авч байгаа энэ үед америкчуудын цахим орчинд хийх зарцуулалт нэмэгдсэн байна. Ийнхүү хэрэглэгчийн бараа, бүтээгдэхүүн худалдан авах зан төлөв хувьсан өөрчлөгдөж байгаагаас өргөн хэрэглээний хувцас, хүнс, барилгын материалын дэлгүүрүүдийн орлого хумигдахад хүрээд байгаа аж. Өөрөөр хэлбэл, цахим орчинд хийж буй зарцуулалт, худалдаа жилийн өмнөхөөс 6.4 тэрбум ам.доллароор нэмэгдэж, 62 тэрбум ам.доллар хүрчээ. Энэ нь ресторан, уушийн газрынхаас өндөр дүн болж байгаа юм.

Хэрэв энэ хурдаа хадгалбал цахим зарцуулалт удахгүй хүнсний бүтээгдэхүүний борлуулалтыг давах магадлалтай байна. Түүнчлэн цаашид цахим худалдааны зарцуулалт нийт дүнгээр жижиглэн худалдаанд хамгийн их хувь хэмжээг эзэлдэг тээврийн хэрэгсэл болон түүний эд ангийн дараа хоёрдугаарт бичигдэж эхлэх төлөвтэй байгаа гэж мэргэжилтнүүд онцолж байна.

Н.Номин-Эрдэнэ | @Nominerdene_NDN

Дэлгэрэнгүй унших

Технологи

Google компани Хуавэй компаниас Андроидын лицензээ цуцлахаар болжээ

Published

on

By

Google компани гар утас үйлдвэрлэгчдэд Андроид үйлдлийн системээ тусгай лицензээр үнэ төлбөргүй ашиглуулдаг билээ.

Тэгвэл тус компани Хятадын Хуавэй компанид өгсөн лицензээ цуцлахаар болсныг Ройтерс агентлаг мэдээлжээ. Өнгөрсөн долоо хоногт АНУ-ын засаг захиргаа Хуавэй компанийн бараа бүтээгдэхүүнийг үндэсний аюулгүй байдалд заналхийлж байна гэж дүгнээд өөрийн зах зээлд нэвтрүүлэхийг нь бүрэн хориглохоор болсон юм.

Тэгвэл Google-ийн шийдвэр энэхүү хоригийн нэг хэсэг болж байгаа бололтой.

Ингэснээр Хуавэй компанийн гар утаснууд цаашдаа Андроид системийн шинэчлэлт, сайжруулалтыг авах эрхгүй болж, Google-ийн application store, gmail зэрэг Андроид системд багтдаг үйлчилгээнүүд хаагдах гэнэ.

Харин Андроидын нээлттэй эхийг ашиглах боломж хэвээр үлдэх юм байна. Өөрөөр хэлбэл Хуавэй компани гар утас хэрэглэгчдэдээ зориулж тусдаа аппликэйшн дэлгүүр нээх, имэйл, мэп зэрэг бусад үйлчилгээнүүдийг үзүүлэх хэрэгтэй болно.

Цаашлаад хориг удаан хугацаанд үргэлжилбэл Хуавэй Андроид системээс хамааралгүй болж, өөрийн гар утасны үйлдлийн системтэй болох шаардлагатай болж магадгүй юм.

Google компанийн нэрээ нууцалсан эх сурвалжийн мэдээлснээр Андроидыг ямар түвшинд хүртэл хориглох асуудлыг одоо тус компанийн удирдлага хэлэлцэж байгаа гэнэ.

Эх сурвалж: Reuters

Дэлгэрэнгүй унших

Онцлох