Connect with us

Нийгэм

ЗАВХАН АЙМАГ ШИНЭ АВТОБУУДАЛ, ОНОШЛОГООНЫ ТӨВТЭЙ БОЛНО

Оруулсан:

огноо:

Автотээврийн үндэсний төв ТӨҮГ-аас иргэдийн тав тухтай байдлыг хангахуйц АВТОТЭЭВРИЙН ТӨВ-үүдийг Архангай, Хэнтий, Дорноговь зэрэг аймгуудад ашиглалтад оруулж, стандартын шаардлага хангасан орчинд зорчигч тээврийн үйл ажиллагаа явуулж байгаа билээ. Тэгвэл өнгөрсөн амралтын өдрүүдэд АТҮТ-ийн захирал П.Дэлгэрнаран, аймгийн Засаг дарга Д.Батсайхан болон албаны бусад хүмүүс Завхан аймагт шинээр баригдах Авто вокзал, оношлогооны төвийн барилгын шавыг тавьлаа. Тус аймагт сүүлийн 2-3 жилд нийтийн тээврийн салбар эрчимтэй өргөжиж байгаа бөгөөд хот хоорондын зорчигч тээврийн үйлчилгээг төвлөрсөн, нэгдсэн зогсоол, авто вокзал, оношлогооны нэгдсэн төвөөр иргэдэд тав тухтай үйлчилгээ үзүүлэх шаардлага зайлшгүй тулгамдаж байжээ.

АТҮТ-ийн захирал П.Дэлгэрнаран арга хэмжээний үеэр “Завхан аймаг авто тээврийн үйлчилгээний барилгагүй байсан бөгөөд орон нутгийн удирдлагуудын дэмжлэгтэйгээр, иргэдийн тав тухтай байдлыг хангахыг төлөө автомашины оношлогооны төв, авто тээврийн вокзал, захиргааны хэсэгтэйгээр хамтад нь төлөвлөн 1.4 тэрбум төгрөгийн хөрөнгө оруулалтаар барихаар шав тавьж байна. Энэ барилга ашиглалтад оруулснаар орон нутгийн иргэдийн ая тухтай, аюулгүй зорчих нөхцөлийг бүрдүүлж, зорчигч тээврийн үйлчилгээг сайжруулах, цагийн хуваарын дагуу явуулах зэргээр стандартад нийцсэн үйлчилгээг үзүүлнэ. Цаашид өргөтгөл хийх, авто зогсоолыг нэмж барих ажлыг шат дараатайгаар үргэлжүүлэн хийнэ” гэлээ.

Завхан аймгийн Засаг дарга Д.Батсайхан “Энэ барилга баригдсанаар манай үе үеийн тээвэрчид очих газартай, уулзах цэгтэй болж буйгаараа давхар ач холбогдолтой. Орон нутгийн зүгээс хамгийн тохиромжтой, хамгийн байршил сайтай газрыг сонгож авто вокзал, оношлогооны төв бариулахаар олгосон” гээд аймгийн иргэдийн ая тухтай зорчих байдлыг хангахын төлөө хөрөнгө оруулалт хийж байгаа АТҮТ-ийн хамт олон, удирдлагуудад талархаж байгаагаа илэрхийлэв.

Авто вокзал, оношлогооны төвийн барилгыг “Хөх хайрхан трейд” компани барихаар шалгарсан бөгөөд ирэх аравдугаар сарын 01 гэхэд ашиглалтад оруулах юм. Тус барилга нь 337.3м2 талбайтай, гадна талбай  1000 м2, гадна зам талбайн тохижилт, гадна гэрэлтүүлэг, авто зогсоол, ногоон байгууламж, гадна хашаа, автобусны зогсоолын саравч барьж байгуулах зэрэг ажлууд тусгагджээ. Оношлогооны заал, хүлээлгийн танхим, Касс, Диспетчер, кафе, эх хүүхдийн өрөө, эмчийн өрөө, ажилчид, үйлчлүүлэгчдийн ариун цэврийн өрөө зэргийг багтаасан МУ-ын MNS 50:44 2010, MNS 63:00 2011 автовокзалын стандартыг хангасан байхаар төлөвлөгджээ. Завхан аймгийн автотээврийн төв нь өөрийн автовокзал, техникийн хяналтын үзлэгийн төвийн барилгагүй бөгөөд одоогоор түрээсийн байранд үйл ажиллагаа явуулдаг. Жилд дунджаар 35.4 мянган зорчигчид үйлчлэх автовокзал, 9.7 мянган тээврийн хэрэгсэлд үзлэг хийх төв байгуулагдах аж.

Сэтгэгдэл бичих

Сэтгэгдэл бичих

Your email address will not be published. Required fields are marked *

Нийгэм

“Автомашингүй өдөр”-ийг сар бүр зохион байгуулдаг болгох асуудлыг судална

Published

on

By

Нийслэлийн Засаг дарга бөгөөд Улаанбаатар хотын захирагч С.Амарсайхан өнөөдөр “Автомашингүй өдөр”-ийг тохиолдуулан Улаанбаатар хотын Захирагчийн ажлын алба, нийслэлийн Хот байгуулалт, хөгжлийн газар, Зураг төслийн хүрээлэн зэрэг холбогдох албаныхантай хамт Сүхбаатар дүүргийн нутаг дэвсгэрээр явж, нөхцөл байдалтай танилцан,  иргэдийн санал, хүсэлтийг сонслоо.  

Энэ үеэр иргэд “Автомашингүй өдөр”-ийн ач холбогдлыг өндрөөр үнэлж, урин дулааны улирал эхэлж байгаатай холбогдуулан ядаж сардаа нэг удаа ийм арга хэмжээ зохион байгуулдаг байх саналаа хотын Захирагчид уламжилж байв.

“Автомашингүй өдрөөр иргэд гэр бүлээрээ, хамт олноороо марафонд гүйж, гудамж талбайгаар чөлөөтэй алхаж, хүүхдүүд эрх дураараа тоглон гүйлдэж байгааг харахад баяртай байна. Улаанбаатарчууд  нэг өдрийг ч гэсэн түгжрэлгүй, бухимдалгүй өнгөрүүлж байна. Энэ өдөр гудамжаар явж иргэдийнхээ санал бодлыг сонсож уулзлаа. Цаашид “Автомашингүй өдөр”-ийг зөвхөн жилд нэг удаа биш зуны улиралд сар бүр зохион байгуулдаг болгох асуудлыг судалж үзээд,  шийдвэрлэх болно” хэмээн хотын Захирагч хэллээ.

Эх сурвалж: Нийслэлийн ЗДТГ-ын Хэвлэл мэдээлэлтэй харилцах хэлтэс

Дэлгэрэнгүй унших

Нийгэм

Таван байршилд нийтийн эзэмшлийн цэцэрлэгт хүрээлэн, спорт цогцолбор байгуулна

Published

on

By

Нийслэлийн Засаг дарга бөгөөд Улаанбаатар хотын захирагч С.Амарсайхан Улаанбаатар хотын Захирагчийн ажлын алба, нийслэлийн Хот байгуулалт, хөгжлийн газар, Зураг төслийн хүрээлэн зэрэг холбогдох албаныхантай уулзаж, бүтээн байгуулалтын ажлуудыг түргэвчлэх талаар үүрэг чиглэл өглөө. 

Нийслэлчүүдэд чөлөөтэй амарч зугаалах гудамж талбай гаргаж өгөхийн зэрэгцээ гүйх, алхах, дугуй унах, сагс, хөлбөмбөг тоглох гээд чөлөөт цагаа спортоор хичээллэж өнгөрүүлэх боломж нөхцөлөөр хангахын тулд таван байршилд цэцэрлэгт хүрээлэн, спорт талбай байгуулах зураг төсөл батлагдаад буй.

Эхнийх нь ХХЕГ-ын баруун талд 1.8 га талбайд бүтээн байгуулалт өрнөхөд бэлэн болоод байгаа бол хоёр дахь нь болох РНЦК буюу Оросын шинжлэх ухаан, соёлын төвийн хажууд 2.4 га талбайг чөлөөлж, цэцэрлэгт хүрээлэн, спорт талбай байгуулах зураг төслийг эцэслэж, ажлаа даруй эхлүүлэх үүрэг өгөв. Улаанбаатар хотын есөн дүүрэгт байгуулах хөлбөмбөгийн талбайн зураг төсөл, төлөвлөлтийн тухай мөн энэ үеэр эцэслэн хэлэлцэж, ажлыг түргэвчлэхээр боллоо.

Эх сурвалж: Нийслэлийн ЗДТГ-ын Хэвлэл мэдээлэлтэй харилцах хэлтэс

Дэлгэрэнгүй унших

Нийгэм

НӨАТ: 80 САЯ төгрөгийн супер азтан ХОЁР , 50 САЯЫН НЭГ азтан тодорлоо

Published

on

By

НӨАТ-ын урамшууллын өнөөдрийн супер тохирлоор 80 сая төгрөгийн хоёр, үндсэн тохирлоор 50 сая төгрөгийн  нэг азтан тодорлоо.

Супер тохиролд 17798558, үндсэн тохиролд 46530850 дугаар тодорсон юм.

Энэ удаагийн сугалааны тохиролд Цахим төлбөрийн баримтын системд бүртгүүлсэн дөрөдүгээр сарын 1-30-ны өдөр хүртэлх хугацааны баримтуудыг хамруулсан билээ.

Үндсэн тохирлоор

  •     30 мянган төгрөгийн 23659
  •     100 мянган төгрөгийн 2327
  •     1 сая төгрөгийн 230
  •     5 сая төгрөгийн 24
  •     50 сая төгрөгийн нэг баримт тохирлоо.

Дэлгэрэнгүй унших

Онцлох