Connect with us

Зєвлєгєє

Монгол бүсгүйн төрсний дараа анхаарах ёстой зүйлс

Оруулсан:

огноо:

Хооллолт

  1. Эхний 3 хоногт зутан хоол иднэ. Учир нь олон сар урагт шахагдаж агшсан гэдсийг хэвэндээ ортол нь бага ачаалал өгөх хэрэгтэй. Энэ нь цаашид өтгөн хатдаг болохоос сэргийлдэг.
  2. Төрсний дараа цус багадалт ихээр явагддаг тул элэгний шөл ууж, төмөр ихтэй хүнс хэрэглээрэй.
  3. Шинэ эм хонины тос өөхгүй шөлийг мөөгтэй, шар будаатай, далайн байцаа, луувантай уух нь тэнхрүүлж, сүү оруулдаг.
  4. Сүүтэй шар будаа хөхний сүүний сувгийг нээж сүү оруулдаг.
  5. Гүзээтэй шөл, бүлээн ус, шингэн зүйл хөхөнд сүү сайн оруулдаг.
  6. Хөхүүлэх тусам сав сайн агшиж, илүүдэл өөх шатдаг. Учир нь хөхний сүү өөхнөөс бүрэлддэг юм байна.
  7. Чихэрлэг хүнс, боов идэх нь дархлаа сулруулдаг тул эхний 7-14 хоногтоо хэрэглэх хэрэггүй.
  8. Эхний 21 хоног бүлээн хоол унд хэрэглэж, дээрх энгийн хоолоор хооллох нь хурдан тэнхрэх, хүүхдийн гэдэс хямраахгүй байх, сүү оруулдаг сайн талтай.
  9. Төрсний дараах 7 хоногт алим, лооль, байцаа зэрэг хийдүүлдэг хүнс хэрэглэхгүй.
  10. Бага багаар аньс, нэрсний шүүс дасгаж уух нь дархлааг сайжруулж, хурдан тэнхрэхэд тустай.
  11. Жирэмсэн хөхүүл үед кальцийн шаардлага энгийн үеийнхээс 3 дахин нэмэгддэг тул хөдөөний сүү, тараг, аарц, ааруултай ус зэргийг байнга хэрэглэх хэрэгтэй. Өглөө бүр 1 аяга сүү, орой 1 аяга тараг ууж хэвших
  12. Үзэмний шүүс калийг нөхөж шөрмөс татахаас сэргийлдэг
  13. Эхний 6 сар илүүдэл жиндээ огт санаа зовох хэрэггүй, 6 сараас хойш дээрх хоолны дэглэмээр зөв хооллоод хүүхэд хөдөлгөөнд ороод ирэхээр өөрөө аяндаа турдаг байгаа.
  14. 14 хоногтойгоос гурилан юм идмээр бол хөх тариа, 2-р гурилын боов талхыг сонгоорой.

Хувийн арчилгаа

  1. Төрөнгүүтээ гэдсээ баадагнаж боох хэрэгтэй. Энэ нь савыг хурдан агшааж, гэдэс сунах, ууц нуруунаас салхи авахаас хамгаалдаг. 1,2м х1,2м хэмжээтэй нимгэн даавуу тохиромжтой.
  2. Чихээ 7 хоног хөвөнгөөр бөглөж, толгойгоо 21 хоног хүртэл боох нь зулайнаас салхи авахаас хамгаална.
  3. Эхний 5 хоног хэвтээ байж, сэтгэлээ амгалантай байлган, бага ярих нь хурдан тэнхрэхэд тустай.
  4. Хүүхэддээ их санаа зовох нь савны хийг дэврээдэг тул эмчээсээ зөвлөгөө сайн аваарай. Удахгүй бүх зүйл сайхан болно.
  5. Төрсний дараа 30-45 хоногийн дараа усанд орно. Энэ хүртэл биеийн нялхраа арилаагүй байдаг тул усанд орсны дараа шар үсний сүв нээгдснээр хөлөрч, салхи авах магадлалтай.
  6. Төрсөн ээжүүд гормоны огцом өөрчлөлтөнд ордог тул аливаа хөдөлгөөнөө удаан тайван хийж, сэтгэлээ амгалан байлгаж, юунд ч санаагаа зовоохгүй байх нь савны хий үүсэхээс сэргийлдэг бөгөөд гүнзгий тайван амьсгалах хэрэгтэй.
  7. Төрсний дараах оёдол шархыг тамедины уусмалаар арчиж цэвэрлэж, аль болох ил наранд хуурай байлгах нь хурдан эдгээнэ.

Нярай хүүхдэд

  1. Нярайг төрөнгүүт 3 минутын дотор амжиж хар уургийг амлуулах ёстой байдаг. Энэ нь хүүхдийн насан туршийн дархлааг тогтоодог бөгөөд ээж өөрөө хөхөө сайн шахаад сааралдуу өнгөтэй уургийг аманд нь 1 дуслыг ч болтугай дусаах хэрэгтэй. Мөн хурдан амлуулснаар хүүхэд хөхөндөө сайн болж, эхэс түргэн гадагшлах, сав агшихад онцгой нөлөөлдөг. Орчин үеийн эмч нар үүнийг гойд анхаарах хэрэгтэй. Дэлхийн эмч нарын сүүлийн үеийн судалгааны үр дүн болно.
  2. Сав агшаах гэж мөс тавих нь савны хийтэй болох үндэс болдог (энэ арга нь орос, европ зэрэг халуун нь хөлөндөө байдаг хүмүүст л тохиромжтой) тул хүүхдээ хурдан амлуулж, саваа агшаах хэрэгтэй.
  3. Хүйг эхэсээс бүрэн цусаа авч, цагаарсных нь дараа таслах нь хүүхэд цус багадалгүй, чийрэг болоход онцгой тустай.
  4. Хүүхдээ сайн дулаан өлгийдөж, даруулахгүй байх нь чухал.
  5. Янз бүрийн нярайн эрүүл мэндийн асуудлыг өрхийн эмч нар эмчилдэг тул өөрийн өрхийн эмчийн утсыг тэмдэглэн аваарай.
  6. Нялх хүүхдийн арьс маш нимгэн байдаг тул гадаа нарны туяанаас нүүрийг нь халхлах хэрэгтэй.
  7. Төрсний дараа 7 хоногтойгоос эхлэн хар цайнд өдөр бүр оруулах хэрэгтэй. 5л усанд 1 уут буюу 15 пакеттай гүрж ногоон цайг хийж 30 минут орчим буцалгаж идээшүүлээд ванны талаар хүйтэн усан дээр нэмж хийгээд оруулна. 5-10 минут ороход хангалттай. Ингэвэл нуралт үүсдэггүй, мөн тархины даралтгүй хүүхэд болдог. Хар цай нь бүх булчинг тайвшруулж, нярайг амгалан нойрсуулдаг.
  8. Усанд орсны дараа загасны тосоор тослох нь Д амин дэмийг нөхөж хүүхдийг хөлрөлтөөс сэргийлж, хурдан бойжуулна.
  9. Сүүлийг үзүүр хэсгийг нимгэн хэрчиж зөөлөн галаар шаргааж тосыг нь гаргаад, шилэнд хийж тавина. Үүгээрээ хүүхдийн бөгсөн биеийг хуурайлсныхаа дараа тослох нь Д амин дэмийг нөхөж, нуралт улайлтаас хамгаална.
  10. 2-3 сартайгаас 9-12 цагийн хооронд 5-15 минут цонхны наранд биеийг нь ээснээр Д амин дэм үүсч, өсөлт хурдсан, дархлаа сайжирна.
  11. 6-8 сар хүртлээ хөхний сүүгээр бол баас нь шингэндүү байдаг тул санаа зоволтгүй.
  12. 4-6 сартайд хүүхэд нэмэлт хоолонд ордог бөгөөд цагаан будааны шүүс эхний 1 сар өгөх хэрэгтэй: Эхний өдөр 1 халбага, дараагийн өдөр 2 халбага гэх мэтчилэн дасгаж өгнө.
  13. Дараагийн сараас усанд чанасан кашийг бага зэргийн жамц давсаар амтлан өгнө. 1 нас хүртэл нь сахар, чихэртэй зүйл идүүлэхгүй байх нь хоолонд сайн хүүхэд болоход тустай. Хэт эрт чихэртэй зүйлэнд дурлуулвал хоол иддэггүй дархлаа султай өвчлөмтгий хүүхэд болгодог.
  14. 7 сартайгаас нухсан лууван, төмс зэргийг өгнө. Энэ нь хүүхэд ногоонд дуртай болоход тусална.
  15. 8 сартайгаас өөрөө бүрсэн шинэ тараг сахаргүй бага багаар дасгаж өгснөөр гэдэсний өнгөрийг сайн тогтоодог.
  16. 10 сартайгаас жимсний төрлийн зүйл өгнө.
  17. Төрөл бүрийн хүүхдийн хуурай сүү, тэжээл, сок зэрэг нь хүүхдийг амьд эерэг энергээр хангаж чаддагүй хиймэл гэдэс дүүргэх төдий байдаг тул аль болох эрүүл байгалийн хүнсээр хооллож сургаарай.
  18. 10-12 сартайгаас эхлэн махны шөлөнд чанасан бантан, ногооны зутан шөл өгөх хэрэгтэй.
  19. Хүүхдийг 1 нас хүртэл нь олны хөлийн газар, дэлгүүр, айл зэргээр дагуулж явахгүй байх нь олон хүний сөрөг энергээр бохирдохоос хамгаалж, элдэв гэнэтийн өвчнөөс сэргийлнэ.

Эх сурвалж: Фэйсбүүк

Зєвлєгєє

Зуны халуун улиралд наршилтаас хэрхэн сэргийлэх вэ

Published

on

By

Зуны улиралд нарны хүчтэй тусгал их байгаа үед буюу хэт халуун бөгчим өдрүүдэд нарнаас хамгаалах малгай, шүхэр хэрэглэлгүй удаан хугацаагаар гадаа байснаас бие хямарч, хордлогын шинж тэмдэг илэрдэг. Иймд зуны халуун улиралд наршилтаас сэргийлэх хэрэгтэй.

Урьдчилан сэргийлэлт:

-Онцын ажилгүй бол гадуур явахгүй байх /наранд аль болох бага явах/

-Нарны нүдний шил, малгай зэргийг тогтмол хэрэглэх.

-Гар, хөл, хүзүү зэргээ наранд ил гаргах хэрэггүй. Учир нь зөвхөн толгойноосоо халснаар наршдаггүй. Нарны тусгалыг шууд хүлээж авч байгаа биеийн бусад хэсгүүдээр ч наршиж болно. Тиймээс хэт халуунд майк, богино ханцуйтай цамц өмсөх биш урт ханцуйтай нимгэн цамц өмсөх

-Наранд удаан хугацаанд байх шаардлага гарвал аль болох битүү хувцас өмсөөд толгойгоо ойр ойрхон норгох юм уу нойтон алчуур, малгай хэрэглэх

-Нярай хүүхдийг гадаа байлгахдаа сүүдрэвчинд мөн чийглэг сэрүүн нөхцөл бүрдүүлэх

-Элсэн шарлага, массаж хийхдээ хэт халах үеийн нарнаас өмнө /9.00-11.00 цаг/, нойтон малгайтай байлгах /үдээс хойш 16.00 цагаас хойш/

-Шингэнийг аль болох олон хэлбэрээр /буцалсан, ширгээсэн ус, хөргөсөн цай, жимсний шүүс, хярам/ ойр ойрхон уулгах

-Хэт хөлдөөсөн зайрмаг, мөс тэс хүйтэн усыг уух нь хоолой өвдөх нөхцөл бүрдүүлдэг тул эцэг, эхчүүд анхаарах

Илрэх шинж тэмдэг:

-Нууц үе 30 минутаас 18 цаг

-Дотор бачуурч нозоорох

-Огидос хүрэх, бөөлжих

-Суулгах,

-Бага зэрэг халуурах

-Ходоод, гэдэсний хэвийн ажиллагаа хямардаг.

-Нүд харанхуйлж, манарах

Авах арга хэмжээ: 

-Дээрх шинж тэмдэг илэрвэл эмчид яаралтай хандаж үзүүлж, зөвлөгөө авах

-Буцалсан усыг хөргөөж задгай саванд хийж наранд халаагаад уг усаа уух буюу толгой биеийг угааж шавших

-Зөв тохирсон шингэнийг насны онцлогт тохируулан аль болох ойрхон олон удаа хэрэглэх

-Нарнаас хамгаалж гэртээ чийгтэй сэрүүн орчныг бүрдүүлэх.

-Мөн хүйтэн жин тавьж халуунаа бууруулаарай /толгой, шилэн хүзүү г.м/

-Хоол унд хорихгүй учраас шим тэжээлтэй хоол идэх нь зүйтэй.

Хэн үүнд өртөх вэ?

-Бүх насны хүмүүс өртөх боломжтой

-Бага насны хүүхэд, артерийн даралт ихэсдэг, зүрх судасны эмгэгтэй болон хууч өвчтэй, өндөр настай хүмүүс илүү өртөх эрсдэлтэй.

Дэлгэрэнгүй унших

Зєвлєгєє

Эдгээр ургамлыг гэртээ байлгавал аалз, шумуул, ялаа хэзээ ч орж ирэхгүй

Published

on

By

Шавьжинд дуртай хүн бараг л байхгүй байх. Ялангуяа гэртээ шавьжтай бол. Ялаа, шумуул, аалзнууд үнэхээр ядаргаатай шүү… Аз болоход гэр доторх шавьжнаас үүрд салах нэгэн туршигдсан арга байдаг! Тэр ч бүү хэл мэрэгч хүртэл ойртдоггүй гэнэ шүү. Үүний тулд ямар нэг аймаар химийн бодис огт хэрэггүй – гэртээ зүгээр л нэгэн гайхамшигтай ургамлыг авч тавих хэрэгтэй!

Энэ ургамал – бол гаа юм. Энэ ургамал нь хүнд аюулгүй бөгөөд таны гэрт сэнгэнэсэн мэдрэмжийг төрүүлнэ. Бусад төрлийн “хамгаалах” ургамлуудтай харьцуулбал гаа нь том хүнд ч, хүүхдэд ч аюулгүй.

Түүнээс гадна энэ ургамлыг маш хямд үнээр худалдан авч болно. Түүний үнэрийг ялаа, шумуул, аалз, тэр бүү хэл хулгана хүртэл үзэн яддаг! Хэрэв тэд гэрээс энэ ургамал үнэртэж байгааг “мэдрэх” л юм бол тэр даруй чиглэлээ өөрчлөх болно.

Гэхдээ ганц ширхэг ургамал хангалттай биш. Хэрэв та хувийн байшинд амьдардаг бол гэрийнхээ яг хажууд, эргэн тойронд нь гаагаа суулгаарай. Хэрэв та орон сууцанд амьдардаг бол энэ ургамлаа коридортоо хаалганы ойролцоо байрлуулаарай.

Харин дараа нь хорхой шавьж орж ирдэг цонхныхоо хажууд гааны үнэр үнэртэхээр байрлуул.

Хэрэв аль хэдийн шавьжтай болсон бол зориулалтын гаатай шүршигчийг ашиглаарай.

Хэрэв худалдаж авах боломжгүй байгаа бол хатаасан гааны навчнаас хэдийг аваад цэвэрхэн оймсонд хий. Дараа нь гэрийнхээ “шавьж төвлөрсөн” бүх хэсгүүдэд тавь.

Энэхүү аргыг ашиглах өөр нэг төрөл бол том саваар дүүрэн гаатай цай чанаж тавих юм. Халуун усанд ердийн гааны навч хийгээд 10 минут буцалгаарай.

Ингэж та гэрээ цэвэршүүлэхээс гадна бусад өөр олон асуудлаас салах боломжтой!

Тулаанд тань амжилт хүсэе!

Хэрхэн зөв хийх тухай тайлбарыг дараах бичлэгээс дэлгэрэнгүй үзэж болно:

Дэлгэрэнгүй унших

Зєвлєгєє

Эцэг, эхчүүд хүүхдээ ухаалаг утсанд донтоод байгааг хэрхэн мэдэх вэ?

Published

on

By

Гэрээсээ гарахгүй, хажууд нь байгаад байгаа болохоор эрүүл байна гэж бодтол,хүүхэд нь ухаалаг утсанд донточихсон байх магадлалтай байдаг. Донтсон хүүхэд худлаа яриад л эхэлдэг. Энд л эцэг,эхчүүд их мэдрэмжтэй байх ёстой. Мөн хүүхэд цочир ууртай,хичээл гэхээс илүү утас,компьютерлүү явдаг.Нойр солигддог,унтах цагтаа унтахгүй нөгөөхөө тоглоод л,интернэт ороод суучихдаг болохоор нойр солигддог.Тиймээс хүүхдийнхээ нойрыг сайн ажигла.Мөн царай зүсийг нь анзаарч байх хэрэгтэй.Дэлгэц удаан ширтээд суучихсан хүүхдийн нүд гөлийгөөд,сэргэлэн биш,уруул нь омголтсон байдаг.Ер нь амьдралын хэв маяг эрс өөрчлөгдсөн.Эцэг,эхчүүд өглөө гараад л орой ирдэг.Энэ хугацаанд хүүхдүүд хараа хяналтгүй үлддэг.Тэгэхээр хүүхэдтэйгээ холбоо барих гэж утас авч өгдөг.Энэ нь мэдээж зөв хэрэглээ.Гэхдээ ямар утас хэдэн настай хүүхдэд авч өгөх вэ гэдгийг эцэг,эхчүүд мэдэх хэрэгтэй.Бага,дунд ангийн хүүхдүүдэд товчлууртай ердийн л утас хангалттай шүү дээ.Ер нь хүүхдүүд ухаалаг утас хэрэглэх дээр сургууль маш зөв арга хэмжээ авах ёстой.Сургуулийн орчинд утасгүй байлгах эс бол хичээлд ороход утсыг нь аваад тарахад нь буцааж өгдөг байвал зүйтэй.
Өдөрт хэдэн цаг утас компьютер,гар утас тогловол донтсон гэж үзэх вэ?


Утас,компьютерт донтохыг “Дэлгэцийн дон” гэж нэрэлдэг.Нэг удаагийн суултаар дөрвөөс дээш удаа тоглож байгаа долоо хоногт өдөр алгасахгүй тоглож,утас,компьютер ширтэж байгаа хүнийг донтсон байна гэж үзнэ.
Дэлгэцийн донтолттой болсон гэдгийг хэрхэн мэдэх вэ?
    Нүд ойр ойрхон анивчих
    Нойргүйдэх
    Шалтгаангүй толгой өвдөх
    Уур бухимдалтай болох
    Хичээлээ шалтгаангүй таслах
    Аливаа зүйлд сонирхолгүй болох
    Зүүдэндээ тоглоомныхоо тухай ярих гэх мэтчилэн шинж тэмдгүүд илэрсэн байдаг.Дэлгэцийн донтолтоос сэргийлэхийн тулд эцэг эхчүүд юу анхаарах вэ?


1.    Хүүхдүүдтэйгээ чөлөөтэй,илэн далангүй ярилцаж тэдний санаа бодлыг сонсох
2.    Цаг зав гарган чөлөөт цагаа хамтдаа өнгөрөөж байх
3.    Хүүхдээ зөв үйл хийхэд нь магтаж урамшуулах
4.    Компьютер,утсыг хязгаартай хэрэглүүлэх өдөрт 30 минутаас ихгүй
5.    Гэртээ тавтай тухтай сэтгэл амар байх орчинг бүрдүүлэх
6.    Сургуулийн багштай холбоотой байж хараа хяналтыг сайжруулах
7.    Гэр бүлээрэй агаар салхинд хамт гарах
8.    Хүүхдээ хөдөлгөөнтэй байлгах,гадаа тоглуулж,спортоор хичээллүүлж,хоббитой болгох
9.    Хүүхэддээ үргэлж үлгэр уншиж өгөх
10.    Хэрвээ хэрэглээ багасахгүй бол мэргэжлийн хандахыг зөвлөж байна.

  Боловсруулсан:  “Ачит гар” ӨЭМТ сувилагч Б.Отгончимэг

Дэлгэрэнгүй унших

Онцлох