Connect with us

Энтертайнмент

“Хаан сэнтийн тоглоом” киноны найруулагч Дэвид Петрарка

Оруулсан:

огноо:

Нас, хүйс харгалзалгүй хэн бүрийг дэлгэцийн урд уяж, ЭММИ 2018” наадмын шилдгээр шалгарсан алдарт Хаан сэнтийний тоглоом буюу “Game of Thrones” цувралыг мэдэхгүй хүн ховор биз ээ. Тэгвэл бидний дуртай уг цувралын найруулагч Дэвид Петрарка Монголд айлчлах гэж буйг тохиолдуулан энэхүү мэдээллийг уншигч авхай танд хүргэж байна.

Дэвид Петрарка нь 1965 оны арваннэгдүгээр сарын 10-ны өдөр Рөуд Арлын Варвик хэмээх хотод төрсөн Америкийн телевиз дэлгэцийн найруулагч, театрын продюсер юм.

Тэрбээр хойд Каролинагийн Урлагийн сургуульд суралцсан бөгөөд төгссөнийхөө дараа Нью-Йорк хотын тайз дэлгэцийн уран бүтээлчдийн эвлэлд ажилд оржээ.

Дэвид 1985 онд буюу ид залуу 20 насандаа найруулагчийнхаа карьерийг эхлүүлсэн овсгоотой чадварлаг ухаалаг нэгэн юм. Тэрээр 1988-2005 он хүртэл Чикагогийн Гүүдмэн театрт ажиллаж байв. 2002 онд тэрээр  “A Year With Frog And Toad on Broadway” хөгжимт жүжгийг найруулсан ба тухайн үедээ уг бүтээлээрээ олон нэр хүндтэй шагналуудыг хүртэж байжээ.

Дэвид зөвхөн тайзны уран бүтээл хийгээд зогсохгүй, телевизийн хэд хэдэн уран бүтээл найруулсны нэг нь та бидний сайн мэдэх “Game of Thrones” цуврал юм. Тэрбээр дэлхийн томоохон Streaming үйлчилгээний компани болох Netflix-тэй хамтран “Jessica Jones”, “True Blood”, “The Alienist” зэрэг цувралуудыг найруулсан.

Мөн HBO телевизтэй хамтран “Big Love”, “Boardwalk Empire” хэмээх хит цувралууд дээр ажиллаж байсан чадварлаг найруулагч юм.

Дэвид Петрарка “Game Of Thrones” цувралын 2-р бүлгийн 4, 5-р ангиудыг найруулсан ба уг ангиуд анх 2012 оны дөрөвдүгээр сард олон нийтийн хүртээл болж байсан билээ.

Петрарка нь Холливуд дахь авьяастай найруулагчдийн нэг. Тиймдээ ч тэр телевизийн цувралын нэг ангийг 750 мянган ам.доллараас 1 сая хүртэлх доллараар найруулдаг ажээ.

Тэрээр хувийн амьдралынхаа тухай олонд дэлгэх тийм ч дуртай нэгэн биш бөгөөд хэдийн 54 насыг зооглосон ч өнөөг хүртэл ганц бие хэвээр байгаа юм.

Дэвид олон нийтийн сүлжээний нөлөөнд автаагүй Холливудын цөөн хэдэн уран бүтээлчдийн нэг гэгддэг. Мөн тэрбээр 1996 онд Чикаго хотын хүндэт иргэн цолоор шагнуулж байжээ.

Бүхэл бүтэн цуврал киноны нэг ангийг 1 сая доллараар найруулдаг уг чадварлаг найруулагч “Холливуд Монголд” төслийн хүрээнд Монгол Улсад хүрэлцэн ирэхээр болоод байна. Дараагийн зочин хэн байх бол?

Б.Намуун

Сэтгэгдэл бичих

You must be logged in to post a comment Login

Сэтгэгдэл бичих

Энтертайнмент

‘The Hu’ хамтлаг фэн клубтэй боллоо

Published

on

By

Дэлхийн рок хөгжмийн ертөнцөд Монголын Хүннү рок “The Hu” хамтлаг цоо шинэ урсгалыг бий болгон шуугиулж, тэдний уран бүтээлийг сонсохыг хүссэн фэнүүд нь зөвхөн Монголоор хязгаарлагдахгүй болсон. Тус хамтлагын фэн клубын нээлт энэ сарын 9-нд болж энэ үеэр хамтлагийн гишүүдтэй танилцаж, асуулт хариултын цаг, дуудлага худалдаа, 10 ширхэг пянзыг худалдан авах эрхийн сугалаа сугалуулах гэх мэт ажиллагаа болсон юм.

Тэгвэл Гадаад харилцааны яамнаас “The Hu” хамтлагийг Монгол Улсын Соёлын элчээр томилж өнгөрсөн баасан гаригт өргөмжлөлийг нь гардууллаа. Монгол Улсын Соёлын элч нь Монголын түүх, соёл, урлагийг гадаад оронд танилцуулах, шинжлэх ухаан, спорт, хүмүүнлэгийн хамтын ажиллагааг хөгжүүлэх, ажил хэрэгч хүмүүс болон иргэд хамтран ажиллахад дэмжлэг үзүүлэх үүрэгтэй юм.
Эх сурвалж: Зууны мэдээ сонин

Дэлгэрэнгүй унших

Энтертайнмент

Австральчуудыг алмайруулж буй Монгол залуу

Published

on

By

Дэлгэрэнгүй унших

Энтертайнмент

Дисней компани 7.67 тэрбум ам.доллар олж дээд амжилт тогтоожээ

Published

on

By

Дисней компани энэ жил 7.67 тэрбум ам.долларын орлого олж, дээд амжилт тогтоожээ. Үүнээс 5.09 тэрбум ам.долларын орлогыг гадаадын орнуудаас цуглуулсан байна. Ийнхүү Холливудын студи анх удаа олон улсын зах зээлээс 5 тэрбум ам.доллароос дээш орлого олсон тохиолдол болов.

Дисней компани 2016 онд 7.61 тэрбум ам.долларыг олсон нь тэдний гаргасан өмнөх амжилт байсан юм. Одоогийн байдлаар тус студийн гурван кино нэг тэрбум ам.долларыг давсан орлого олжээ.

  • Marvel Studio-ын “Avangers:End Game”- 2.79 тэрбум ам.доллар
  • “Captain Marvel” 1.23 тэрбум ам.доллар
  • “Aladdin”- 1 тэрбум ам.доллар /өнгөрсөн долоо хоногийн байдлаар/

Түүнчлэн “Lion King” кино нээлтээ хиймэгцээ хоёр долоо хоногийн дотор 962 сая ам.долларыг олсон бол “Toy Story 4” ирэх долоо хоногт 1 тэрбум ам.долларын орлогод хүрэх магадлалтай байгаа аж. Ингэснээр Дисней нэг жилийн дотор 1 тэрбум ам.долларын орлого давсан 5 кино бүтээж 2016 оны амжилтаа эвдэх юм.

Дисней студи энэ жилийн талархлын баяраар “Frozen 2” киноныхоо нээлтийг хийхээр төлөвлөж байна. Үүнээс гадна оны сүүлээр “Star Wars: The Rise of Skywalker” киноны нээлт болох аж.

Эх сурвалж: Hollywood reporter

Дэлгэрэнгүй унших

Онцлох