Connect with us

Дэлхийд

Солонгос, Хонгконг, Казахстан, буриад дахь тэмцэл хөдөлгөөнүүд

Оруулсан:

огноо:

Дэлхийн чихнээ эсэргүүцлээ дуулгах гэсэн Хонгконгийн залуус орон гэр, орлого мөнгөө алдаж байгаа таагүй мэдээг хэвлэлүүд тоймлож буй. Энэ зуур Өмнөд Солонгост улстөрчид нь жагсаал цуглаанаар биш харин илүү өвөрмөц аргаар үзэл бодлоо илэрхийлэхийг сонгожээ. Шинэ сайдын томилгоонд бухимдсан гурван улстөрч олны өмнө үсээ хусав. Тэгвэл Казахстанд хамгийн том хөрөнгө оруулагч Хятад улсын компаниудыг эсэргүүцсэн жагсаал улам хүрээгээ тэлж нийслэл Нур-Султан болон хамгийн том хот Алматад хүрчээ. Монголын хилийн цаана бидэнтэй элэг нэгт буриадуудын луйвар булхайтай сонгуулийг эсэргүүцсэн гурван өдрийн жагсаал цуглаан  барууны хэвлэлүүдийн бичээд байгаа В.Путинд өгсөн сануулгын нэг тод жишээ болж байна. Монголын эргэн тойронд өрнөж байгаа шударга ёс, ардчиллын төлөөх тэмцлүүдийн талаар тоймлон хүргэе.

Өмнөд Солонгосын улстөрчид яагаад үсээ хусуулах болов?

Энэ долоо хоногийн эхний өдөр Өмнөд Солонгосын улстөрч Хванг Кёо Ан Ерөнхийлөгчийн ордны өмнө өөрийн дэмжигчдээ цуглуулан үсээ хусуулж, улс төрийн эсэргүүцлээ илэрхийлсэн юм.

Түүний энэ эсэргүүцэл нь тус улсын шинэ Хууль зүйн сайд Чо Кактай холбоотой. Авлигын хэрэгтэй холбогдож байсан нэгнийг энэ салбарт сайдаар томилсонд бухимдаж буйгаа илэрхийлсэн нь энэ гэдгийг ВВС мэдээллээ. Өнгөрсөн долоо хоногт хоёр эмэгтэй улстөрч түүний адилаар үсээ хусуулсан юм. Тэдний шалтгаан мөн л улс төрийн томилгоотой холбоотой байжээ.

Дээрх гурван улстөрч нь консерватив үзэлтэй бөгөөд одоогийн Ерөнхийлөгч Мүүн Жае Ин-ийн удирдлага дор ажиллаж байгаа Засгийн газрыг эсэргүүцэж байна. Улмаар тэд Хууль зүйн сайд ноён Чо-г огцрохыг шаардаж байгаа билээ. Ноён Чо Как-ын хувьд хууль зүйн профессор байсан. Ноён Мүүнийн ойрын туслах нь байсан талаар өнгөрсөн долоо хоногт түүний засаг захиргаанаас энэхүү томилгоо болох үеэр мэдэгдсэн юм.  Гэвч түүнийг гэр бүлийнхээ эсрэг санхүүгийн гэмт хэрэг, луйвар үйлдсэн хэмээн буруутгаж байгааг үл харгалзан ноён Мүүнийн дэмжлэгээр ийн томилсон нь ихээхэн шүүмжлэл дагуулаад байна.

Түүний эхнэр мөн профессор. Охиноо их сургуульд оруулахын тулд тэтгэлэг авах гэж хуурамчаар материал үйлдсэн гэж буруутгагдаж байгаагийн дээр энэ нь бусад их сургуулийн оюутнуудын дургүйцлийг хүргэсэн юм.

Хууль хяналтын байгууллагаас бусад хамсаатантай нь холбоотой учир битүүлэг үнэт цаасны сангийн хөрөнгө оруулалтуудыг хайж байгаа юм.

Өнгөрсөн баасан гаригт ноён Чо өөрийн сонсголоо баталгаажуулах үеэр охинд нь илүү хөнгөлөлттэй нөхцлөөр хандаж байна гэж буруутгаж буйг дурдаад, залуусаас энэ талаар гүнээ хүлцэл өчиж буйгаа илэрхийлжээ. Гэвч тэрээр хууль зүйн системийг шинэчлэхийг хүсч буйгаа ч энэ завсар мэдэгдсэн байна.

Түүнийг ийнхүү буруутгасан ч баримт нотолгоо нь олдоогүй юм. Үүний дараа ноён Мүүн энэ талаар их эмзэглэж байгаагаа мэдэгдсэн юм.

Гэсэн ч Өмнөд Солонгост ангийн хэт ялгаа нь нийтийн дунд ихээхэн ноцтой маргаан үүсгээд байгаа. Сүүлийн хэдэн жил авлигын хэрэг хамгийн их шүүмжлэл, хатуу эсэргүүцлийг араасаа дагуулж байгаа юм. Өмнөх Засгийн газар нь авлигын хэргийн улмаас унасан бол өмнөх Ерөнхийлөгч Пак Ин Хэ эрх мэдлээ буруугаар ашигласан, луйвар хийсэн хэргээр шийтгэлээ хүлээн хоригдож буй.

Хонгконг хувьсгал хийхийг оролдсон ч…

Хонгконг өөр дээрээ дэлхийн анхаарлыг төвлөрүүлэхийг хүсч байна. Гурван сарын турш үргэлжилсэн тусгаар ардчиллын төлөөх ард түмний эсэргүүцлийн эрэл хайгуул өөрчлөлтийг хүссэн билээ. Тэр бүү хэл тэднийг дэмжих нь, тэднийг босгож ирэх нь хэчнээн хэцүү болохыг дэлхий дахинд харуулсныг “Нью Йорк Таймс” мэдээллээ. Твиттерийн хамгийн олон дагагчтай хүн байгаад ч энэ эсэргүүцлийг дэлхийн чихэнд хүргэхэд хэчнээн хэцүү гэдгийг энэ үйл явдал харуулсан юм.

Хонгконгийн эсэргүүцэгчид орлогоо алдаж, орон гэр, байр сууцны хүртээмжтэй байдлаа гээж байгаа ч эх газрын Хятадын коммунист намын дарангуйллаас ангижирч, тусгаар эрх чөлөөгөө эдлэхийг хүсэн ийнхүү жагсаж байгаа билээ. Гэвч энэ зам их аюултай, бас эрсдэлтэй байгааг харж болно. Яагаад тэд ийм сонголт хийсэн бэ. Сүүлийн 30 жил Хятадад зорчсон хүмүүс мэднэ дээ, тэнд өмнөхөөсөө арай илүү нээлттэй болсныг. Гэвч үнэн хэрэгтээ тэнд сүүлийн таван жилээс илүү хаалттай нөхцөл байдал үүсчээ.

Илүү нээлттэй болох гэсэн эх газрын Хятадын хүсэл 2013 онд Ши Жинпин хүч чадлаа бүрнээ харуулахад ухарсан юм. Тэрээр авлигыг таслан зогсоох, санал нийлэхгүй байгааг нь ч шийтгэж, дараа нь өөрөө Ерөнхийлөгч болсон билээ.  Алдаа гаргахыг хатуу хориглодог хүйтэн “салхи” Бээжингээс үлээж, хүмүүс шивнэхээсээ ч айдаг болжээ. Энэ салхи Хонгконгийг ч адил нөмөрсөн юм. Харин хонгконг залуус үүний эсрэг хүчтэй тэмцэж, “Харгислалаа энд гаргана гэж санахын ч хэрэггүй, бид тэр хүмүүс чинь биш” хэмээн хашгирч байна.

Энэ жагсаал, эсэргүүцлээ дэлхийн чихнээ илүү чангаар хүргэх гэсэн Хонгконгийн Засгийн газрын хүсэл биеллээ олсонгүй. Эсэргүүцлийн жагсаалын нөхцөл байдлыг сурвалжилж өгөхийг гадаадын томоохон найман фирмээс хүссэн ч татгалзсан хариу сонссон талаар “Guardian” мэдээлэв. Учир нь энэ мэдээллийг дамжуулах нь тухайн мэдээллийн агентлагуудын нэр хүндийг гутаасан хэрэг болно хэмээн үзсэн тул ийм хариу өгсөн байна.

Дэлхийн хэмжээний харилцаа холбоо бүхий фирмүүд Хонгконгийн Засгийн газрын эсрэг эсэргүүцэгчдийн үйл хэргийг сурвалжлах нь нэр хүндэд нь халтай гэж үзснээс энэ жагсаал улам гүнзгийрсээр байгаа билээ.

Казахстанд Хятадын компаниудыг эсэргүүцэн жагсаж байна

Казахстанд Хятадын үйлдвэрүүд баригдаж буйг эсэргүүцсэн жагсаал цуглаан хүрээгээ тэлж буй талаар “Ройтерс” мэдээлэв. Учир нь Хятадын үйлдвэрүүд тус улсын гурван хотод баригдах бөгөөд ажлын байр, хөрөнгө оруулалт татах шинэ эх сурвалж болно хэмээн тайлбарлаж байгаа билээ. Хөрш Хятад улс бол Зөвлөлт засгийн үед газрын тосны томоохон хөрөнгө оруулагч, худалдааны түнш байсан юм.

Энэ жагсаал өнгөрсөн ням гаригт анх баруун Казахстаны хэсэгт оршдог үйлдвэрлэлийн жижиг хот Занаозенд 100 хүний бүрэлдэхүүнтэйгээр эхэлжээ. Тэд “Манай үйлдвэрүүд яагаад хуучирсан гэж үзэж байгаагаа тайлбарла. Мөн Хятадын үйлдвэрүүдээр Казахстаныг бохирдуулах гэж байна” хэмээх лоозон барьсан байв.

Тэгвэл өнгөрсөн даваа гаригт жагсаал хүрээгээ тэлж 300 гаруй хүний бүрэлдэхүүнтэй болсныг орон нутгийн “Лада” сонин мэдээлжээ. Жагсагчдад хандан орон нутгийн захирагч Серикбай Трумов “Хятадын нөлөөлөлд орж байгаа зүйл огтоос байхгүй. Засгийн газар хэд хэдэн төсөл дээр Хятадын компаниудтай хамтрахаар хэлэлцэж байгаа” хэмээн мэдэгджээ. Гэсэн ч үүний дараа эсэргүүцлийн хүрээ улам бүр тэлж, өнгөрсөн лхагва гаригт нийслэл Нур-Султан болон тус улсын хамгийн том хот Алматад газар авсан байна.

Алмата хотод эсэргүүцлийн жагсаалыг үргэлжлүүлэн 30 гаруй хүн хотын захиргааны гадаа “Хятадын үйлдвэрүүдийг барихыг эсэргүүцэж байна” гэсэн лоозон барьсан байжээ. Нур-Султан хотод 20 орчим хүн төв талбайд дээрхтэй адил лоозон барин мөн жагсаж байна.

Хятад бол Казахстаны эрчим хүчний салбарын хамгийн том хөрөнгө оруулагч бөгөөд газрын тос, хийн нийлүүлэлтээ лалын улсуудаас ихэнхдээ авдаг байна. Гэвч зарим шинжээч Хятадын компаниудыг орон нутгийн ажилчдыг хэтэрхий цөөн тоогоор ажиллуулж, гадаадын ажилчдынхаас хэт бага цалин өгдөг хэмээн шүүмжилдэг юм.

Буриадад өрнөсөн эсэргүүцлийн жагсаал оросуудад нэгийг бодогдуулав

ОХУ-д энэ сарын 8-нд бүс нутгийн сонгууль болж өнгөрсөн. Сонгуулийн дүн ОХУ-ын эрх баригчдад, В.Путинд сануулга өгсөн талаар барууны хэвлэлүүд бичиж байгаа билээ. Хэдийгээр ОХУ-ын Сонгуулийн төв комисс энэ удаагийн сонгуулийг элдэв зөрчил будлиангүй болсон хэмээн мэдэгдсэн ч, сонгуулийн дүнг эсэргүүцсэн жагсаал цуглаан олон болсон. Сөрөг хүчин хийгээд Оросын олон нийтийн зүгээс дургүйцэж, эсэргүүцэж байгаа нэг зүйл нь бие даан нэр дэвшигчидтэй холбоотой. ОХУ-д одоо эрх барьж байгаа “Нэгдмэл  Орос” намын нэр хүнд тааруу байгаа учраас энэ намын олон хүн бие дааж нэр дэвшсэн байна. Өөрөөр хэлбэл, эрх баригч намынхан бие даагч гэдэг нэрийн дор сонгуульд оролцсон гэсэн үг.

Сонгуулийн дараа өрнөсөн эсэргүүцлийн жагсаал цуглаанаас хамгийн дуулиантай нь Улаан-Үдэд болсон. Буриадын нийслэлийнхэн 13 жилийн дараа анх удаа хотын даргаа шууд сонгуулиар сонгосон ч олонхийн буюу 52.5 хувийн санал авсан Игорь Шутенковын ялалтыг хүлээн зөвшөөрөхгүй, сонгууль луйвар будлиантай болсныг эсэргүүцэн төв талбайдаа гарч суулт зарлан тэмцэл эхлүүлсэн. Гурван өдөр үргэлжилсэн жагсагчдыг тараах гэж цагдаа хүчний байгууллагынхан утаат гранат хэрэглэж, эсэргүүцлийн үйл ажиллагааг тарааж байгаа цагдаа нарын хэрцгий үйлдлийг олон нийтэд хүргэсэн таксины жолооч Дмитрий Баировыг баривчилжээ. Мөн якут бөө Александр Габышевыг саатуулсан нь олон нийтийн дургүйцлийг хүргэсэн билээ. Эрх баригчид саатуулсан хүмүүсийг суллаж, “Путиныг хөөх” зан үйл үйлдэхээр алхаж байгаа якут бөө Эрхүүгийн зүг явсан байна. Эсэргүүцлийн арга хэмжээ ОХУ-ын Буриад улсын төрийн тэргүүн А.Цыдыновыг жагсагчид руу очиход хүргэж, тэрээр хууль зөрчсөн асуудлыг холбогдох байгууллагаар шалгуулна гэж амласан байна.

Улаан-Үд хотын даргын сонгуульд олонхийн санал авсан Игорь Шутенков энэ сарын 18-нд тангараг өргөсөн. Түүнийг тангараг өргөх үеэр ордны гадаа нэгэн эмэгтэй эсэргүүцлийн лоозон барин зогсож байлаа.  Мөн энэ өдөр Советский дүүргийн шүүхийн хэвлэлийн албанаас мэдээлэхдээ, энэ сарын 9-12-нд Советын талбайд болсон жагсаал цуглааныг зохион байгуулсан гэх хэргээр Петр Дондуковыг 10 хоног баривчлах шийдвэр гарсан гэсэн байна. Энэ шийдвэрийг Буриадын дээд шүүхэд давж заалдаж болно гэснийг aif.ru-гийн мэдээнд дурджээ.  Өчигдөр Буриадын төрийн тэргүүн нийгмийн сүлжээд маш товчхон нэг өгүүлбэр бичсэн байна. “Минийхээр бид одоо хурдаа жаахан сааруулах ёстой байх” А.Цыдыновын бичсэн нь магадгүй болж өнгөрсөн эсэргүүцэл, жагсаалтай холбоотой байж болохыг mk.ru-д тэмдэглэжээ.

Буриадад өрнөсөн эсэргүүцлийн арга хэмжээ оросуудад нэгийг бодогдуулж, орост эрх баригчид хууль хүчний байгууллагыг сонгуулийн луйврыг дарахад ашиглаж байгааг шүүмжлэн цахим сүлжээнд оросууд өөрсдөө бичиж байна.
 

Эх сурвалж: “Зууны мэдээ” сонин
Ж.Цогзолмаа

Дэлхийд

Хонг Конгт зорчих монгол иргэдийн анхааралд

Published

on

By

Хонг Конгт олон сар үргэлжилж буй эсэргүүцлийн хөдөлгөөн хурцдаж, эрчимжих хандлагатай байгаа бөгөөд нэг хүн буудуулж хүнд шархаджээ.

Хэвлэл болон олон нийтийн сүлжээгээр мэдээлснээр дараах газруудад эсэргүүцлийн жагсаал болох юм байна. Үүнд:

11 дүгээр сарын 12-нд: 20:00 цагт “New Town Plaza, Shatin”
11 дүгээр сарын 14-нд: “Edinburgh Place” болон “Hong Kong Stadium”
11 дүгээр сарын 19-нд: “Hong Kong Stadium”
11 дүгээр сарын 21-нд: 19:00 цагт “Yuen Long Station”

Иймд иргэд та бүхэн Хонг Конгт зорчихдоо сонор сэрэмжтэй байх, дээр дурдсан газруудад зорчихгүй байхыг ГХЯ-ны Консулын газраас зөвлөж байна.

Дэлгэрэнгүй унших

Дэлхийд

Япон улсын Эзэн xаан Нарүхито

Published

on

By

Япон улсын Эзэн xаан Нарүхитог хаан сэнтийд заларсныг тунхаглах төрийн ёслол өнөөдөр Токио дахь эзэн хааны ордонд боллоо.

Өдгөө 59 настай Нарүхито нь өнгөрсөн тавдугаар сарын 1-нд эцэг Акихитогоос хаан ширээг залгамжилж авснаар Японд “Рэйва” хэмээх шинэ эрин эхэлсэн билээ. Эзэн хаан амьд сэрүүндээ хаан ширээнээсээ өөрийн саналаар буусан тохиолдол сүүлийн 200 гаруй жилийн хугацаанд гарч байгаагүй юм.

Олон зуун жилийн уламжлалтай ёслол хүндэтгэлийн ажиллагаанд 180 орчим улсын төлөөлөл оролцохоор иржээ. Мөн эзэн хаанд баяр хүргэхээр сайд нарын танхимын гишүүд, хууль тогтоох байгууллагын төлөөлөл, мужуудын захирагчид, эрдэмтэд, бизнес эрхлэгчид зэрэг Японы нийгмийн бүхий л давхаргын 1600 орчим төлөөлөгч уригджээ.

26 мянган цагдаагийн албан хаагч аюулгүй байдлыг сахиулан ажиллажээ.

Эзэн хаан Нарүхито ордны гурван сүм дуганд очиж өвөг дээдэстээ хүндэтгэл үзүүлэн ёслол үйлдэв. Үүний дараа ордны гол танхимд эзэн хаан Нарүхито үг хэлж, хаан ширээ залгамжилж буйгаа зарлан тунхаглав. Тэрээр “Би Үндсэн хууль болон эзэн хааны ордны тухай хуульд заасны дагуу хаан сэнтийд заларлаа. Улс үндэстэн, ард түмнийхээ эв нэгдлийн бэлгэдэл байхаа батлан тангараглаж байна” гэжээ. Дараа нь Японы Ерөнхий сайд Шинзо Абэ ард иргэдийн өмнөөс эзэн хаанд баяр хүргэж, урт удаан наслахыг ерөөсөн мэндчилгээг дэвшүүллээ.

Үдээс хойш баярын арга хэмжээ хүлээн авалтаар үргэлжилж, эзэн хаан Нарухито олон улсын хүндэт зочдын хамт хүндэтгэлийн зоог барих бол маргааш тэдэнд зориулсан цайны ёслол болох юм байна. Мөн энэ өдөр бүх нийтийн баярын жагсаал зохион байгуулахаар төлөвлөж байсан ч Хагибис хар салхи болсонтой холбогдуулан жагсаалыг ирэх сарын 10-нд болгон хойшлуулжээ.

Хаан сэнтийн ёслолын арга хэмжээг зохион байгуулахад 147 сая гаруй ам.долларын хөрөнгө зарцуулсан бөгөөд 26 мянган цагдаагийн албан хаагч аюулгүй байдлыг сахиулан ажиллав.

Эх сурвалж: NHK, TASS

Дэлгэрэнгүй унших

Дэлхийд

Америкчууд Трампыг дахин сонгох уу?

Published

on

By

АНУ-ын Ерөнхийлөгч Дональд Трампыг хугацаанаас нь өмнө огцруулах асуудлыг сөрөг хүчнийхэн нь өлгөн авч, асуудлыг улам дэвэргэж байна. Тус улсын Сенат Төлөөлөгчдийн танхим саналаа өгсөн тохиолдолд Америкийн тэргүүнд хариуцлага тооцох асуудлыг авч хэлэлцэх юм.

-ТРАМПЫН РЕЙТИНГ 43 ХУВЬТАЙ БАЙНА-

АНУ-ын Ардчилсан намынхан Цагаан ордны тэргүүн Доналд Трампыг эрх мэдлээ хэтрүүлэн ашигласан гэж буруутгахын зэрэгцээ Украины ерөнхийлөгчид шахалт үзүүлсэн байж болзошгүй гэж үзэж байгаа юм.

Өнгөрсөн долдугаар сарын 25-нд  Доналд Трамп Украины төрийн тэргүүн Владимир Зеленскийтэй утсаар ярьсан. Тэдний ярианы гол сэдэв Америкийн ерөнхийлөгчийн сонгуульд нэр дэвшиж буй Жозеф Байдентай холбоотой асуудал байв.

Жо Байдены хүү Украины  байгалийн хийн компанитай холбоотой бизнес эрхэлдэг. Жо Байден хүүгийнхээ Украины дахь бизнест туслахын тулд Украины удирдлагуудад нөлөөлөх гэж оролдсон гэж Цагаан ордны тэргүүн үзэж, энэ талаарх шалгалтыг явуулахыг  Украины ерөнхийлөгчөөс ийнхүү удаа дараа шаардсан гэх шүүмжлэлд өртөөд байгаа билээ.

Мөн Трампыг Украины төрийн тэргүүнд нөлөөлөхийн тулд Америкийн Украинд олгохоор төлөвлөж байсан цэргийн салбар дахь тусламжийг хойшлуулсан гэж буруутгажээ. Гэвч Цагаан ордны тэргүүн Украины ерөнхийлөгчтэй утсаар ярих үеэрээ Владимир Зеленскийд шахалт үзүүлээгүй. Би түүнд баяр хүргэсэн” гэж мэдэгдсэн юм.

Трамп сөрөг хүчнийхнээ ээлжит утгагүй, үндэслэлгүй шуугианаараа НҮБ дахь онцгой чухал өдрийг нь, олон ололт амжилтыг нь санаатайгаар устгаж үгүйсгэж байна гэж хэлжээ. Хугацаанаас нь өмнө огцруулах үйл явцыг эхлүүлж байгаа нь улс орны хувьд ашиггүйг анхааруулсан байна.

Олон улсын шинжээчид энэ үйл явдал Украины ерөнхийлөгчийн хувьд томоохон шалгуур болж буйг онцолж байна. Тэрбээр энэ асуудалд хэрхэн хандах нь Украин болон Америкийн цаашдын харилцаанд нөлөөлөхөөр байгаа юм. Украины эдийн засаг, нийгмийн амьдрал тогтворгүй, хүндхэн хэвээр байна. 2014 онд Украины харьяанд байсан Крымийн хойгийг ОХУ өөртөө нэгтгэсэн, үүнээс гадна Украины Донбасын бүсэд  зэвсэгт мөргөлдөөн бүрэн намжаагүй байгаа билээ. Мөн Украинд олгосон 3,9 тэрбум ам.долларын зээлийн хугацаа ирэх жил дуусна. Олон улсын Валютын сан Украинд дахин зээл олгох асуудлаар ярилцаж буй юм.

“Gallup”-ын судалгаагаар, Трампын рейтинг энэ оны эхэнд 37 хувьтай байсан бол өнгөрсөн наймдугаар сард 30 хувь, есдүгээр сард 43 хувь болж өссөн байна.

-ТРАМПЫГ ОГЦРУУЛАХ АСУУДЛЫГ ДЭМЖИГЧДИЙН ТОО ӨСЧЭЭ-

Трампад итгэл үзүүлэх эсэх асуудал өнөөдөр олон улсад онцолж байгаа гол мэдээлэл болж байна. Сүүлийн үеийн мэдээллээр Цагаан ордны тэргүүн Доналд Трампад итгэл үзүүлэх эсэх асуудлаарх санал хураалтаас хамгаалах тусгай бүлэг байгуулагджээ. Энэ бүлэгт хүссэн хүн бүр 5 ам.долларын хураамж төлөн нэгдэх боломжтой гэдгийг Трамп Ерөнхийлөгчийн сонгуулийн штабаас мэдээлэв.

Конгресс дахь Төлөөлөгчдийн танхим дахь Ардчилсан намын 150 гишүүн Ерөнхийлөгч Трампыг огцруулахыг дэмжиж байгаа аж. Конгрессын доод танхимын тэргүүн Нэнси Пелоси Ерөнхийлөгч Трампад итгэл хүлээлгэх эсэх асуудлаар санал хураалт явуулах үйл явцыг эхлүүлж байгаагаа албан ёсоор зарласан.

Трамп Зеленскийтэй ярихдаа шахалт дарамт үзүүлсэн асуудал хэвлэлээр шуугиан тарьсны дараа түүнийг огцруулах асуудлыг дэмжих америкчуудын тоо нэмэгдсэн талаар хэвлэлүүд бичиж байна. Хэдийгээр Ардчилсан намынхан парламентын доод танхимд олонх байгаа ч сенатын танхимд Бүгд найрамдахчууд Трамп Ерөнхийлөгчийг хамгаалж үлдэх нь бараг тодорхой гэж ажиглагчид үзэж буй юм. Ямартаа ч Америкийн түүхэнд Төрийн тэргүүнд итгэл хүлээлгэх эсэх асуудлаарх санал хураалт явуулах үйл  явцыг эхлүүлсэн гурав дахь тохиолдол нь энэ аж.

-ТРАМП ХУДАЛ МЭДЭЭЛЭГЧИДТЭЙ УУЛЗАХЫГ ХҮСЭВ-

Дональд Трамп Украины төрийн тэргүүнтэй утсаар ярьсантай холбогдуулан гомдол гаргасан тагнуулын  ажилтантай уулзахыг хүсч байгаагаа твиттер хуудсаараа дамжуулан мэдэгдсэнийг хэвлэлүүд онцолжээ.

Тэрбээр “Намайг буруутгаж буй, гаднын орны удирдагчтай ярьсан яриаг буруу, худал илтгэсэн тэр мэдээлэгч гэгчтэй уулзах эрхтэй гэж үзэж байна. Шифф Конгрессийн танхимын гишүүдийг урьд хожид харж байгаагүйгээр бүдүүлгээр, аймшигтайгаар худал хэлж хуурсан. Тэрбээр аймшигтай зүйлс бичиж, АНУ-ын Ерөнхийлөгч хэлсэн мэтээр түүнийгээ уншсан. Түүнд хууль бусаар худал мэдээлэл өгсөн хүнтэй ч би уулзахыг хүсч байна. Тэр хүн бол Америкийн Ерөнхийлөгчийг тагнасан. Энэ хэрэг ноцтой үр дагавартай” хэмээн жиргэсэн байна.

АНУ-ын хэвлэлүүдэд мэдээлж буйгаар, Ерөнхийлөгч Трампын эсрэг гомдол гаргасан тагнуулын нууц ажилтныг сүрдүүлсэн тохиолдол гарсан учир Холбооны хамгаалалтад авчээ.

Эх сурвалж: INDEPENDENT, REUTERS, CNN

Дэлгэрэнгүй унших

Онцлох