Connect with us

Дэлхийд

Элсэхэд хамгийн хэцүү, бас хялбар АНУ-ын их сургуулиуд

Оруулсан:

огноо:

АНУ-д суралцахыг зорьдог залуус анхаарлаа түр нааш нь хандуулаарай. Тус улсын шилдэг их сургуулиуд дотор элсэхэд хамгийн хялбар болон хамгийн хэцүү сургуулиудын талаар та бүхэнд  танилцуулахаар  бэлтгэлээ. 

1Хэцүү: Харвардын их сургууль (Harvard University)

Хэцүү:  Харвардын их сургууль (Harvard University)

Харвардын их сургуулийн сургалтын алба элсэхээр өргөдлөө өгсөн нийт хүүхдүүдийн 5.4 хувьд нь л зөвшөөрсөн хариу илгээдэг бөгөөд тэдний SAT шалгалтын дүн дунджаар 1430-1600-гийн хооронд байдаг гэнэ. Тэгэхээр өргөдөл өгсөн залуусын  94.6 хувь нь татгалзсан хариу авдаг гэсэн үг.

2Амархан: Дорнод Орегоны их сургууль (Eastern Oregon University)

Амархан:  Дорнод Орегоны их сургууль (Eastern Oregon University)

Харвардаас ялгаатай нь Дорнод Орегоны их сургуулийн удирдлагууд элсэх хүсэлт гаргасан нийт сурагчдын ердөө гурван хувьд л татгалзсан хариу өгдөг байна.

3Хэцүү: Брауны их сургууль (Brown University)

Хэцүү: Брауны их сургууль (Brown University)

Тийм ээ. Энэ бол Эмма Уатсон (Emma Watson)-ы төгссөн сургууль. Уг сургуулийн элсэлтийн алба материалаа явуулсан нийт хүүхдүүдийн есөн хувийг л хүлээн авдаг аж.

4Амархан: Колорадо (Colorado) мужийн Адамс коллеж (Adams State College)

Амархан: Колорадо (Colorado) мужийн Адамс коллеж (Adams State College)

Та уг коллежид орохын тулд заавал онц сурдаг байх шаардлагагүй. Учир нь тэд хүсэлт явуулсан нийт хүмүүсийн 99.9 хувьд элсэн суралцахыг зөвшөөрдөг гэнэ. Элсэгчдийн ердөө 14 хувь нь SAT шалгалт өгсөн байдаг аж. Мэдээж оноо нь тийм ч өндөр биш буюу 930-1130-ын хооронд байдаг. 

5Хэцүү: Йелийн их сургууль (Yale University)

Хэцүү: Йелийн их сургууль (Yale University)

Энэ охин ингэж баярлаж үсрэх нь аргагүй юм. Учир нь Йелийн их сургуульд хэн дуртай нь ороод байдаггүй. Тэд нийт хүсэлт гаргагчийн 6.3 хувийг нь л хүлээн авдаг аж.

6Амархан: Идахо мужийн Лэвис Кларк коллеж (Lewis Clark State College)

Амархан: Идахо мужийн Лэвис Кларк коллеж (Lewis Clark State College)

Жил бүр уг сургуулийн сургалтын алба 3500 хүнийг сургуульдаа элсүүлдэг байна. Өөрөөр хэлбэл тэд нийт өргөдөл гаргагчийн 97 хувьд зөвшөөрсөн хариу явуулдаг юм.

7Хэцүү: Массачусетсийн технологийн их сургууль (MIT)

Хэцүү: Массачусетсийн технологийн их сургууль (MIT)

Технологийн хувьд хамгийн шилдэг их сургууль бол яах аргагүй MIT шүү дээ. Тэд нийт элсэх хүсэлт гаргагчдын найман хувийг нь л сургуульдаа авдаг байна. 

8Амархан: Бригхам Ёнг их сургууль (Brigham Young University)

Амархан: Бригхам Ёнг их сургууль (Brigham Young University)

Сүмээс санхүүждэг уг сургуулийн элсэлтийн алба материалаа өгсөн бүх хүнийг сургуульдаа элсүүлдэг гэнэ. Тэднээс татгалзсан хариу авах маш амаргүй шүү. 

9Хэцүү: Калифорнийн технологийн их сургууль (Caltech)

Хэцүү: Калифорнийн технологийн их сургууль (Caltech)

Гоц ухаантнуудаар дүүрсэн энэ сургууль нийт хүсэлт гаргагчийн найман хувьд нь л  элсэхийг зөвшөөрдөг гэнэ. 

10Амархан: Вайомингийн их сургууль (University of Wyoming)

Амархан: Вайомингийн их сургууль (University of Wyoming)

13.500 оюутантай, олон улсын тодотголтой энэ сургууль элсэх хүсэлт гаргасан нийт хүмүүсийн 95 хувьд зөвшөөрсөн хариу илгээдэг байна. 

11Хэцүү: Принстоны их сургууль (Princeton University)

Хэцүү: Принстоны их сургууль (Princeton University)

Харвард, Йелийн их сургуультай нэгэн адил Принстон нь хамгийн алдартай сургуулиудын нэг юм. Тэгвэл Принстоны элсэлтийн алба материалаа өгсөн нийт хүүхдүүдийн долоон хувьд л элсэх эрх олгодог байна. Мэдээж SAT шалгалтын өндөр оноотой байх хэрэгтэй. 

12Амархан: Канзас мужийн их сургууль (Kansas State University)

Амархан: Канзас мужийн их сургууль (Kansas State University)

Уг сургуульд элсэх хүсэлт гаргасан нийт хүмүүсийн 94 хувь нь зөвшөөрсөн захиа хүлээн авдаг гэнэ. Гэхдээ  Канзас мужийн их сургууль нь спортын хувьд хамгийн нэр хүндтэй сургуулиудын нэг юм шүү. 

13Хэцүү: Стэнфордын их сургууль (Stanford University)

Хэцүү: Стэнфордын их сургууль (Stanford University)

Нарлаг Калифорни мужид очих амархан. Харин тэндхийн Стэнфордын их сургууль бол тийм биш шүү. Элсэлтийн алба нь нийт хүсэлт гаргагчийн 4.3 хувийг л элсэхийг зөвшөөрдөг гэнэ. 

14Амархан: Виржиниа мужийн их сургууль (Virginia State University)

Амархан: Виржиниа мужийн их сургууль (Virginia State University)

Уг сургуульд өргөдлөө явуулсан нийт сурагчдын 94 хувьд зөвшөөрсөн хариу илгээдэг байна. Мөн үүнээс бусад сургуульд ихэр хүмүүс хамт элсэх боломж бараг л байхгүй болов уу.

15Хэцүү: Колумбын их сургууль (Columbia University)

Хэцүү: Колумбын их сургууль (Columbia University)

Нью-Йорк хотын сургуулиуд дотроо элсэхэд хамгийн хэцүү нь Колумбын их сургууль юм. Тэд материалаа өгсөн нийт хүмүүсийн долоон хувийг л элсэхийг зөвшөөрдөг байна. АНУ-ын өмнөх Ерөнхийлөгч Барак Обама энэ сургуулийг төгссөн байна. 

16Амархан: Америкийн хүнс болон хоолны институт (Culinary Institute of America)

Амархан: Америкийн хүнс болон хоолны институт (Culinary Institute of America)

Хамгийн шилдэг тогооч нарыг бэлтгэдэг энэ сургууль нь элсэх хүсэлт гаргасан хүүхдүүдийн 94 хувийг л эгнээндээ элсүүлдэг байна. Энэ сургуулийг төгссөн алдартай тогооч нар бол Жеромэ Бокүз (Jerome Bocuse) Антони Боурдэйн (Anthony Bourdain) нар  юм.

17Хэцүү: Вандэрбилтийн их сургууль (Vanderbilt University)

Хэцүү: Вандэрбилтийн их сургууль (Vanderbilt University)

Сургалтын чанараараа Харвард, Йел, Принстонтой зэрэгцэж очдог уг сургуулийн элсэлтийн алба өргөдлөө явуулсан сурагчдын 11 хувьд л зөвшөөрсөн захиа илгээдэг гэнэ.

18Амархан: Монтанагийн их сургууль (University of Montana)

Амархан: Монтанагийн их сургууль (University of Montana)

Энэ сургууль нийт элсэх хүсэлт гаргагчдын 92 хувьд элсэхийг зөвшөөрдөг байна. Нийгмийн судалгаагаар дагнадаг Монтанагийн их сургууль нь АНУ-ын шилдэг сургуулиудын 17-т ордог тул тийм ч тааруу сургууль биш шүү. 

19Хэцүү: Чикагогийн их сургууль (University of Chicago)

Хэцүү: Чикагогийн их сургууль (University of Chicago)

Чикагогийн их сургуулийн элсэлтийн алба материал явуулсан нийт сурагчдын найман хувьд л зөвшөөрсөн хариу илгээдэг гэнэ. 

20Амархан: Кэнтаккигийн их сургууль (University of Kentucky)

Амархан: Кэнтаккигийн их сургууль (University of Kentucky)

Шарсан тахиагаараа алдартай Кентакки мужийн хамгийн том их сургууль бол Кентаккигийн их сургууль юм. Тэдний элсэлтийн алба материалаа явуулсан нийт хүүхдүүдийн 91 хувийг эгнээндээ элсүүлдэг байна. 

21Хэцүү: Пеннсилванийн их сургууль (University of Pennsylvania)

Хэцүү: Пеннсилванийн их сургууль (University of Pennsylvania)

Уг сургууль АНУ-ын хоёр Ерөнхийлөгч, сенатын 33 гишүүн, 42 удирдлагын дээд ажилтан, хэдэн зуун компанийн захирлыг төрүүлэн гаргасан юм. Тэдний дунд “Tesla” компанийн захирал Элон Маск (Elon Musk), телевизийн алдарт хөтлөгч Маури Пович (Maury Povich) гэх мэт амжилттай яваа олон эрхэм бий. Сургуулийн элсэлтийн алба элсэх хүсэлт гаргасан нийт сурагчдын 91 хувьд зөвшөөрсөн хариу илгээдэг байна.

22Амархан: Юта мужийн их сургууль (Utah State University)

Амархан: Юта мужийн их сургууль (Utah State University)

Юта мужийн хамгийн том сургууль нь элсэх хүсэлт гаргасан нийт хүүхдүүдийн 94 хувьд зөвшөөрсөн хариу өгдөг гэнэ. Уг сургуулийн эдийн засгийн салбарыг төгсөгчид 2013 онд Нобелийн шагнал хүртсэн нь сургалт сайтай болохыг нь  харуулж байгаа болов уу.

23Хэцүү: Дюкийн их сургууль (Duke University)

Хэцүү: Дюкийн их сургууль (Duke University)

Шилдгүүд дундаа хамгийн олон оюутан элсүүлж авдаг нь энэ сургууль юм. Тэд хүсэлт гаргасан нийт хүүхдүүдийн 11 хувьд зөвшөөрсөн хариу илгээдэг байна. 

24Амархан: Иллинойс мужийн их сургууль (Illinois State University)

Амархан: Иллинойс мужийн их сургууль (Illinois State University)

Энэ сургууль элсэх хүсэлт гаргасан залуусын 89 хувьд зөвшөөрсөн захиа явуулдаг гэнэ. Мөн Иллинойс мужийн их сургууль нь академик болон спортын арвин ололт амжилттай сургууль юм. 

25Хэцүү: Дартмаут коллеж (Dartmouth College)

Хэцүү: Дартмаут коллеж (Dartmouth College)

Дартмаут коллежид элсэхийн тулд маш их цагийг номын санд өнгөрөөх хэрэгтэй болно. Эднийх нийт хүлээж авсан материалуудынхаа зөвхөн 11 хувьд л зөвшөөрсөн хариу өгдөг аж.

Эх сурвалж: CaaK.mn

Дэлхийд

Хонг Конгт зорчих монгол иргэдийн анхааралд

Published

on

By

Хонг Конгт олон сар үргэлжилж буй эсэргүүцлийн хөдөлгөөн хурцдаж, эрчимжих хандлагатай байгаа бөгөөд нэг хүн буудуулж хүнд шархаджээ.

Хэвлэл болон олон нийтийн сүлжээгээр мэдээлснээр дараах газруудад эсэргүүцлийн жагсаал болох юм байна. Үүнд:

11 дүгээр сарын 12-нд: 20:00 цагт “New Town Plaza, Shatin”
11 дүгээр сарын 14-нд: “Edinburgh Place” болон “Hong Kong Stadium”
11 дүгээр сарын 19-нд: “Hong Kong Stadium”
11 дүгээр сарын 21-нд: 19:00 цагт “Yuen Long Station”

Иймд иргэд та бүхэн Хонг Конгт зорчихдоо сонор сэрэмжтэй байх, дээр дурдсан газруудад зорчихгүй байхыг ГХЯ-ны Консулын газраас зөвлөж байна.

Дэлгэрэнгүй унших

Дэлхийд

Япон улсын Эзэн xаан Нарүхито

Published

on

By

Япон улсын Эзэн xаан Нарүхитог хаан сэнтийд заларсныг тунхаглах төрийн ёслол өнөөдөр Токио дахь эзэн хааны ордонд боллоо.

Өдгөө 59 настай Нарүхито нь өнгөрсөн тавдугаар сарын 1-нд эцэг Акихитогоос хаан ширээг залгамжилж авснаар Японд “Рэйва” хэмээх шинэ эрин эхэлсэн билээ. Эзэн хаан амьд сэрүүндээ хаан ширээнээсээ өөрийн саналаар буусан тохиолдол сүүлийн 200 гаруй жилийн хугацаанд гарч байгаагүй юм.

Олон зуун жилийн уламжлалтай ёслол хүндэтгэлийн ажиллагаанд 180 орчим улсын төлөөлөл оролцохоор иржээ. Мөн эзэн хаанд баяр хүргэхээр сайд нарын танхимын гишүүд, хууль тогтоох байгууллагын төлөөлөл, мужуудын захирагчид, эрдэмтэд, бизнес эрхлэгчид зэрэг Японы нийгмийн бүхий л давхаргын 1600 орчим төлөөлөгч уригджээ.

26 мянган цагдаагийн албан хаагч аюулгүй байдлыг сахиулан ажиллажээ.

Эзэн хаан Нарүхито ордны гурван сүм дуганд очиж өвөг дээдэстээ хүндэтгэл үзүүлэн ёслол үйлдэв. Үүний дараа ордны гол танхимд эзэн хаан Нарүхито үг хэлж, хаан ширээ залгамжилж буйгаа зарлан тунхаглав. Тэрээр “Би Үндсэн хууль болон эзэн хааны ордны тухай хуульд заасны дагуу хаан сэнтийд заларлаа. Улс үндэстэн, ард түмнийхээ эв нэгдлийн бэлгэдэл байхаа батлан тангараглаж байна” гэжээ. Дараа нь Японы Ерөнхий сайд Шинзо Абэ ард иргэдийн өмнөөс эзэн хаанд баяр хүргэж, урт удаан наслахыг ерөөсөн мэндчилгээг дэвшүүллээ.

Үдээс хойш баярын арга хэмжээ хүлээн авалтаар үргэлжилж, эзэн хаан Нарухито олон улсын хүндэт зочдын хамт хүндэтгэлийн зоог барих бол маргааш тэдэнд зориулсан цайны ёслол болох юм байна. Мөн энэ өдөр бүх нийтийн баярын жагсаал зохион байгуулахаар төлөвлөж байсан ч Хагибис хар салхи болсонтой холбогдуулан жагсаалыг ирэх сарын 10-нд болгон хойшлуулжээ.

Хаан сэнтийн ёслолын арга хэмжээг зохион байгуулахад 147 сая гаруй ам.долларын хөрөнгө зарцуулсан бөгөөд 26 мянган цагдаагийн албан хаагч аюулгүй байдлыг сахиулан ажиллав.

Эх сурвалж: NHK, TASS

Дэлгэрэнгүй унших

Дэлхийд

Америкчууд Трампыг дахин сонгох уу?

Published

on

By

АНУ-ын Ерөнхийлөгч Дональд Трампыг хугацаанаас нь өмнө огцруулах асуудлыг сөрөг хүчнийхэн нь өлгөн авч, асуудлыг улам дэвэргэж байна. Тус улсын Сенат Төлөөлөгчдийн танхим саналаа өгсөн тохиолдолд Америкийн тэргүүнд хариуцлага тооцох асуудлыг авч хэлэлцэх юм.

-ТРАМПЫН РЕЙТИНГ 43 ХУВЬТАЙ БАЙНА-

АНУ-ын Ардчилсан намынхан Цагаан ордны тэргүүн Доналд Трампыг эрх мэдлээ хэтрүүлэн ашигласан гэж буруутгахын зэрэгцээ Украины ерөнхийлөгчид шахалт үзүүлсэн байж болзошгүй гэж үзэж байгаа юм.

Өнгөрсөн долдугаар сарын 25-нд  Доналд Трамп Украины төрийн тэргүүн Владимир Зеленскийтэй утсаар ярьсан. Тэдний ярианы гол сэдэв Америкийн ерөнхийлөгчийн сонгуульд нэр дэвшиж буй Жозеф Байдентай холбоотой асуудал байв.

Жо Байдены хүү Украины  байгалийн хийн компанитай холбоотой бизнес эрхэлдэг. Жо Байден хүүгийнхээ Украины дахь бизнест туслахын тулд Украины удирдлагуудад нөлөөлөх гэж оролдсон гэж Цагаан ордны тэргүүн үзэж, энэ талаарх шалгалтыг явуулахыг  Украины ерөнхийлөгчөөс ийнхүү удаа дараа шаардсан гэх шүүмжлэлд өртөөд байгаа билээ.

Мөн Трампыг Украины төрийн тэргүүнд нөлөөлөхийн тулд Америкийн Украинд олгохоор төлөвлөж байсан цэргийн салбар дахь тусламжийг хойшлуулсан гэж буруутгажээ. Гэвч Цагаан ордны тэргүүн Украины ерөнхийлөгчтэй утсаар ярих үеэрээ Владимир Зеленскийд шахалт үзүүлээгүй. Би түүнд баяр хүргэсэн” гэж мэдэгдсэн юм.

Трамп сөрөг хүчнийхнээ ээлжит утгагүй, үндэслэлгүй шуугианаараа НҮБ дахь онцгой чухал өдрийг нь, олон ололт амжилтыг нь санаатайгаар устгаж үгүйсгэж байна гэж хэлжээ. Хугацаанаас нь өмнө огцруулах үйл явцыг эхлүүлж байгаа нь улс орны хувьд ашиггүйг анхааруулсан байна.

Олон улсын шинжээчид энэ үйл явдал Украины ерөнхийлөгчийн хувьд томоохон шалгуур болж буйг онцолж байна. Тэрбээр энэ асуудалд хэрхэн хандах нь Украин болон Америкийн цаашдын харилцаанд нөлөөлөхөөр байгаа юм. Украины эдийн засаг, нийгмийн амьдрал тогтворгүй, хүндхэн хэвээр байна. 2014 онд Украины харьяанд байсан Крымийн хойгийг ОХУ өөртөө нэгтгэсэн, үүнээс гадна Украины Донбасын бүсэд  зэвсэгт мөргөлдөөн бүрэн намжаагүй байгаа билээ. Мөн Украинд олгосон 3,9 тэрбум ам.долларын зээлийн хугацаа ирэх жил дуусна. Олон улсын Валютын сан Украинд дахин зээл олгох асуудлаар ярилцаж буй юм.

“Gallup”-ын судалгаагаар, Трампын рейтинг энэ оны эхэнд 37 хувьтай байсан бол өнгөрсөн наймдугаар сард 30 хувь, есдүгээр сард 43 хувь болж өссөн байна.

-ТРАМПЫГ ОГЦРУУЛАХ АСУУДЛЫГ ДЭМЖИГЧДИЙН ТОО ӨСЧЭЭ-

Трампад итгэл үзүүлэх эсэх асуудал өнөөдөр олон улсад онцолж байгаа гол мэдээлэл болж байна. Сүүлийн үеийн мэдээллээр Цагаан ордны тэргүүн Доналд Трампад итгэл үзүүлэх эсэх асуудлаарх санал хураалтаас хамгаалах тусгай бүлэг байгуулагджээ. Энэ бүлэгт хүссэн хүн бүр 5 ам.долларын хураамж төлөн нэгдэх боломжтой гэдгийг Трамп Ерөнхийлөгчийн сонгуулийн штабаас мэдээлэв.

Конгресс дахь Төлөөлөгчдийн танхим дахь Ардчилсан намын 150 гишүүн Ерөнхийлөгч Трампыг огцруулахыг дэмжиж байгаа аж. Конгрессын доод танхимын тэргүүн Нэнси Пелоси Ерөнхийлөгч Трампад итгэл хүлээлгэх эсэх асуудлаар санал хураалт явуулах үйл явцыг эхлүүлж байгаагаа албан ёсоор зарласан.

Трамп Зеленскийтэй ярихдаа шахалт дарамт үзүүлсэн асуудал хэвлэлээр шуугиан тарьсны дараа түүнийг огцруулах асуудлыг дэмжих америкчуудын тоо нэмэгдсэн талаар хэвлэлүүд бичиж байна. Хэдийгээр Ардчилсан намынхан парламентын доод танхимд олонх байгаа ч сенатын танхимд Бүгд найрамдахчууд Трамп Ерөнхийлөгчийг хамгаалж үлдэх нь бараг тодорхой гэж ажиглагчид үзэж буй юм. Ямартаа ч Америкийн түүхэнд Төрийн тэргүүнд итгэл хүлээлгэх эсэх асуудлаарх санал хураалт явуулах үйл  явцыг эхлүүлсэн гурав дахь тохиолдол нь энэ аж.

-ТРАМП ХУДАЛ МЭДЭЭЛЭГЧИДТЭЙ УУЛЗАХЫГ ХҮСЭВ-

Дональд Трамп Украины төрийн тэргүүнтэй утсаар ярьсантай холбогдуулан гомдол гаргасан тагнуулын  ажилтантай уулзахыг хүсч байгаагаа твиттер хуудсаараа дамжуулан мэдэгдсэнийг хэвлэлүүд онцолжээ.

Тэрбээр “Намайг буруутгаж буй, гаднын орны удирдагчтай ярьсан яриаг буруу, худал илтгэсэн тэр мэдээлэгч гэгчтэй уулзах эрхтэй гэж үзэж байна. Шифф Конгрессийн танхимын гишүүдийг урьд хожид харж байгаагүйгээр бүдүүлгээр, аймшигтайгаар худал хэлж хуурсан. Тэрбээр аймшигтай зүйлс бичиж, АНУ-ын Ерөнхийлөгч хэлсэн мэтээр түүнийгээ уншсан. Түүнд хууль бусаар худал мэдээлэл өгсөн хүнтэй ч би уулзахыг хүсч байна. Тэр хүн бол Америкийн Ерөнхийлөгчийг тагнасан. Энэ хэрэг ноцтой үр дагавартай” хэмээн жиргэсэн байна.

АНУ-ын хэвлэлүүдэд мэдээлж буйгаар, Ерөнхийлөгч Трампын эсрэг гомдол гаргасан тагнуулын нууц ажилтныг сүрдүүлсэн тохиолдол гарсан учир Холбооны хамгаалалтад авчээ.

Эх сурвалж: INDEPENDENT, REUTERS, CNN

Дэлгэрэнгүй унших

Онцлох