Connect with us

Дэлхийд

Дональд Трамп орлогын чадамжгүй хүмүүст виз олгохгүй байх журам баталжээ

Оруулсан:

огноо:

АНУ-ын ерөнхийлөгч Дональд Трампын засаг захиргаа өчигдөр цагаачлалын шинэ журам баталжээ. Судлаачдын үзэж буйгаар уг журам тус улсад хууль ёсны дагуу зорчих хүмүүсийн тоог бууруулах төлөвтэй байна.

Шинэ журам аравдугаар сарын 15-наас мөрдөгдөж эхэлнэ. Хэрэв хүсэлт гаргасан иргэд хангалттай орлогын чадамжгүй эсвэл нийгмийн халамжийн ямар нэгэн хөтөлбөрт /хоол хүнс, орон байр, эрүүл мэндийн үйлчилгээ/ хамрагдсан бол АНУ-д түр болон байнга оршин суух зөвшөөрөл авч чадахгүй аж.

Трамп АНУ-ын ерөнхийлөгч болсон цагаасаа хойш хууль ёсны болон хууль бус цагаачлалын асуудлыг таслан зогсоож, цэгцлэхэд хүчин чармайлт гаргана гэдгээ илэрхийлээд байгаа.

Энэхүү журмыг зарласны дараа АНУ-ын Үндэсний Цагаачлалын Хуулийн төв хэрэгжилтийг зогсоохын тулд шүүхэд хандана гэдгээ мэдэгджээ. Тус төвийн захирал шинэ журмыг гарал угсаа, арьс өнгөөр ялгаварлан гадуурхах үзэл дээр тулгуурласан гэж үзсэн аж. Үүнээс гадна Калифорни болон Нью Йорк мужуудын прокурорууд энэ асуудлаар шүүхэд хандана гэдгээ мэдэгджээ.

АНУ-ын засгийн газар одоогоор 382 мянган цагаачийн статусыг эргэж харна гэж тооцоолж байна. Мөн шинэ журмыг хэрэгжүүлснээр жил бүр 2.47 тэрбум ам.долларыг хэмнэхээр болжээ.

Эх сурвалж: Reuters

Дэлхийд

Солонгос, Хонгконг, Казахстан, буриад дахь тэмцэл хөдөлгөөнүүд

Published

on

By

Дэлхийн чихнээ эсэргүүцлээ дуулгах гэсэн Хонгконгийн залуус орон гэр, орлого мөнгөө алдаж байгаа таагүй мэдээг хэвлэлүүд тоймлож буй. Энэ зуур Өмнөд Солонгост улстөрчид нь жагсаал цуглаанаар биш харин илүү өвөрмөц аргаар үзэл бодлоо илэрхийлэхийг сонгожээ. Шинэ сайдын томилгоонд бухимдсан гурван улстөрч олны өмнө үсээ хусав. Тэгвэл Казахстанд хамгийн том хөрөнгө оруулагч Хятад улсын компаниудыг эсэргүүцсэн жагсаал улам хүрээгээ тэлж нийслэл Нур-Султан болон хамгийн том хот Алматад хүрчээ. Монголын хилийн цаана бидэнтэй элэг нэгт буриадуудын луйвар булхайтай сонгуулийг эсэргүүцсэн гурван өдрийн жагсаал цуглаан  барууны хэвлэлүүдийн бичээд байгаа В.Путинд өгсөн сануулгын нэг тод жишээ болж байна. Монголын эргэн тойронд өрнөж байгаа шударга ёс, ардчиллын төлөөх тэмцлүүдийн талаар тоймлон хүргэе.

Өмнөд Солонгосын улстөрчид яагаад үсээ хусуулах болов?

Энэ долоо хоногийн эхний өдөр Өмнөд Солонгосын улстөрч Хванг Кёо Ан Ерөнхийлөгчийн ордны өмнө өөрийн дэмжигчдээ цуглуулан үсээ хусуулж, улс төрийн эсэргүүцлээ илэрхийлсэн юм.

Түүний энэ эсэргүүцэл нь тус улсын шинэ Хууль зүйн сайд Чо Кактай холбоотой. Авлигын хэрэгтэй холбогдож байсан нэгнийг энэ салбарт сайдаар томилсонд бухимдаж буйгаа илэрхийлсэн нь энэ гэдгийг ВВС мэдээллээ. Өнгөрсөн долоо хоногт хоёр эмэгтэй улстөрч түүний адилаар үсээ хусуулсан юм. Тэдний шалтгаан мөн л улс төрийн томилгоотой холбоотой байжээ.

Дээрх гурван улстөрч нь консерватив үзэлтэй бөгөөд одоогийн Ерөнхийлөгч Мүүн Жае Ин-ийн удирдлага дор ажиллаж байгаа Засгийн газрыг эсэргүүцэж байна. Улмаар тэд Хууль зүйн сайд ноён Чо-г огцрохыг шаардаж байгаа билээ. Ноён Чо Как-ын хувьд хууль зүйн профессор байсан. Ноён Мүүнийн ойрын туслах нь байсан талаар өнгөрсөн долоо хоногт түүний засаг захиргаанаас энэхүү томилгоо болох үеэр мэдэгдсэн юм.  Гэвч түүнийг гэр бүлийнхээ эсрэг санхүүгийн гэмт хэрэг, луйвар үйлдсэн хэмээн буруутгаж байгааг үл харгалзан ноён Мүүнийн дэмжлэгээр ийн томилсон нь ихээхэн шүүмжлэл дагуулаад байна.

Түүний эхнэр мөн профессор. Охиноо их сургуульд оруулахын тулд тэтгэлэг авах гэж хуурамчаар материал үйлдсэн гэж буруутгагдаж байгаагийн дээр энэ нь бусад их сургуулийн оюутнуудын дургүйцлийг хүргэсэн юм.

Хууль хяналтын байгууллагаас бусад хамсаатантай нь холбоотой учир битүүлэг үнэт цаасны сангийн хөрөнгө оруулалтуудыг хайж байгаа юм.

Өнгөрсөн баасан гаригт ноён Чо өөрийн сонсголоо баталгаажуулах үеэр охинд нь илүү хөнгөлөлттэй нөхцлөөр хандаж байна гэж буруутгаж буйг дурдаад, залуусаас энэ талаар гүнээ хүлцэл өчиж буйгаа илэрхийлжээ. Гэвч тэрээр хууль зүйн системийг шинэчлэхийг хүсч буйгаа ч энэ завсар мэдэгдсэн байна.

Түүнийг ийнхүү буруутгасан ч баримт нотолгоо нь олдоогүй юм. Үүний дараа ноён Мүүн энэ талаар их эмзэглэж байгаагаа мэдэгдсэн юм.

Гэсэн ч Өмнөд Солонгост ангийн хэт ялгаа нь нийтийн дунд ихээхэн ноцтой маргаан үүсгээд байгаа. Сүүлийн хэдэн жил авлигын хэрэг хамгийн их шүүмжлэл, хатуу эсэргүүцлийг араасаа дагуулж байгаа юм. Өмнөх Засгийн газар нь авлигын хэргийн улмаас унасан бол өмнөх Ерөнхийлөгч Пак Ин Хэ эрх мэдлээ буруугаар ашигласан, луйвар хийсэн хэргээр шийтгэлээ хүлээн хоригдож буй.

Хонгконг хувьсгал хийхийг оролдсон ч…

Хонгконг өөр дээрээ дэлхийн анхаарлыг төвлөрүүлэхийг хүсч байна. Гурван сарын турш үргэлжилсэн тусгаар ардчиллын төлөөх ард түмний эсэргүүцлийн эрэл хайгуул өөрчлөлтийг хүссэн билээ. Тэр бүү хэл тэднийг дэмжих нь, тэднийг босгож ирэх нь хэчнээн хэцүү болохыг дэлхий дахинд харуулсныг “Нью Йорк Таймс” мэдээллээ. Твиттерийн хамгийн олон дагагчтай хүн байгаад ч энэ эсэргүүцлийг дэлхийн чихэнд хүргэхэд хэчнээн хэцүү гэдгийг энэ үйл явдал харуулсан юм.

Хонгконгийн эсэргүүцэгчид орлогоо алдаж, орон гэр, байр сууцны хүртээмжтэй байдлаа гээж байгаа ч эх газрын Хятадын коммунист намын дарангуйллаас ангижирч, тусгаар эрх чөлөөгөө эдлэхийг хүсэн ийнхүү жагсаж байгаа билээ. Гэвч энэ зам их аюултай, бас эрсдэлтэй байгааг харж болно. Яагаад тэд ийм сонголт хийсэн бэ. Сүүлийн 30 жил Хятадад зорчсон хүмүүс мэднэ дээ, тэнд өмнөхөөсөө арай илүү нээлттэй болсныг. Гэвч үнэн хэрэгтээ тэнд сүүлийн таван жилээс илүү хаалттай нөхцөл байдал үүсчээ.

Илүү нээлттэй болох гэсэн эх газрын Хятадын хүсэл 2013 онд Ши Жинпин хүч чадлаа бүрнээ харуулахад ухарсан юм. Тэрээр авлигыг таслан зогсоох, санал нийлэхгүй байгааг нь ч шийтгэж, дараа нь өөрөө Ерөнхийлөгч болсон билээ.  Алдаа гаргахыг хатуу хориглодог хүйтэн “салхи” Бээжингээс үлээж, хүмүүс шивнэхээсээ ч айдаг болжээ. Энэ салхи Хонгконгийг ч адил нөмөрсөн юм. Харин хонгконг залуус үүний эсрэг хүчтэй тэмцэж, “Харгислалаа энд гаргана гэж санахын ч хэрэггүй, бид тэр хүмүүс чинь биш” хэмээн хашгирч байна.

Энэ жагсаал, эсэргүүцлээ дэлхийн чихнээ илүү чангаар хүргэх гэсэн Хонгконгийн Засгийн газрын хүсэл биеллээ олсонгүй. Эсэргүүцлийн жагсаалын нөхцөл байдлыг сурвалжилж өгөхийг гадаадын томоохон найман фирмээс хүссэн ч татгалзсан хариу сонссон талаар “Guardian” мэдээлэв. Учир нь энэ мэдээллийг дамжуулах нь тухайн мэдээллийн агентлагуудын нэр хүндийг гутаасан хэрэг болно хэмээн үзсэн тул ийм хариу өгсөн байна.

Дэлхийн хэмжээний харилцаа холбоо бүхий фирмүүд Хонгконгийн Засгийн газрын эсрэг эсэргүүцэгчдийн үйл хэргийг сурвалжлах нь нэр хүндэд нь халтай гэж үзснээс энэ жагсаал улам гүнзгийрсээр байгаа билээ.

Казахстанд Хятадын компаниудыг эсэргүүцэн жагсаж байна

Казахстанд Хятадын үйлдвэрүүд баригдаж буйг эсэргүүцсэн жагсаал цуглаан хүрээгээ тэлж буй талаар “Ройтерс” мэдээлэв. Учир нь Хятадын үйлдвэрүүд тус улсын гурван хотод баригдах бөгөөд ажлын байр, хөрөнгө оруулалт татах шинэ эх сурвалж болно хэмээн тайлбарлаж байгаа билээ. Хөрш Хятад улс бол Зөвлөлт засгийн үед газрын тосны томоохон хөрөнгө оруулагч, худалдааны түнш байсан юм.

Энэ жагсаал өнгөрсөн ням гаригт анх баруун Казахстаны хэсэгт оршдог үйлдвэрлэлийн жижиг хот Занаозенд 100 хүний бүрэлдэхүүнтэйгээр эхэлжээ. Тэд “Манай үйлдвэрүүд яагаад хуучирсан гэж үзэж байгаагаа тайлбарла. Мөн Хятадын үйлдвэрүүдээр Казахстаныг бохирдуулах гэж байна” хэмээх лоозон барьсан байв.

Тэгвэл өнгөрсөн даваа гаригт жагсаал хүрээгээ тэлж 300 гаруй хүний бүрэлдэхүүнтэй болсныг орон нутгийн “Лада” сонин мэдээлжээ. Жагсагчдад хандан орон нутгийн захирагч Серикбай Трумов “Хятадын нөлөөлөлд орж байгаа зүйл огтоос байхгүй. Засгийн газар хэд хэдэн төсөл дээр Хятадын компаниудтай хамтрахаар хэлэлцэж байгаа” хэмээн мэдэгджээ. Гэсэн ч үүний дараа эсэргүүцлийн хүрээ улам бүр тэлж, өнгөрсөн лхагва гаригт нийслэл Нур-Султан болон тус улсын хамгийн том хот Алматад газар авсан байна.

Алмата хотод эсэргүүцлийн жагсаалыг үргэлжлүүлэн 30 гаруй хүн хотын захиргааны гадаа “Хятадын үйлдвэрүүдийг барихыг эсэргүүцэж байна” гэсэн лоозон барьсан байжээ. Нур-Султан хотод 20 орчим хүн төв талбайд дээрхтэй адил лоозон барин мөн жагсаж байна.

Хятад бол Казахстаны эрчим хүчний салбарын хамгийн том хөрөнгө оруулагч бөгөөд газрын тос, хийн нийлүүлэлтээ лалын улсуудаас ихэнхдээ авдаг байна. Гэвч зарим шинжээч Хятадын компаниудыг орон нутгийн ажилчдыг хэтэрхий цөөн тоогоор ажиллуулж, гадаадын ажилчдынхаас хэт бага цалин өгдөг хэмээн шүүмжилдэг юм.

Буриадад өрнөсөн эсэргүүцлийн жагсаал оросуудад нэгийг бодогдуулав

ОХУ-д энэ сарын 8-нд бүс нутгийн сонгууль болж өнгөрсөн. Сонгуулийн дүн ОХУ-ын эрх баригчдад, В.Путинд сануулга өгсөн талаар барууны хэвлэлүүд бичиж байгаа билээ. Хэдийгээр ОХУ-ын Сонгуулийн төв комисс энэ удаагийн сонгуулийг элдэв зөрчил будлиангүй болсон хэмээн мэдэгдсэн ч, сонгуулийн дүнг эсэргүүцсэн жагсаал цуглаан олон болсон. Сөрөг хүчин хийгээд Оросын олон нийтийн зүгээс дургүйцэж, эсэргүүцэж байгаа нэг зүйл нь бие даан нэр дэвшигчидтэй холбоотой. ОХУ-д одоо эрх барьж байгаа “Нэгдмэл  Орос” намын нэр хүнд тааруу байгаа учраас энэ намын олон хүн бие дааж нэр дэвшсэн байна. Өөрөөр хэлбэл, эрх баригч намынхан бие даагч гэдэг нэрийн дор сонгуульд оролцсон гэсэн үг.

Сонгуулийн дараа өрнөсөн эсэргүүцлийн жагсаал цуглаанаас хамгийн дуулиантай нь Улаан-Үдэд болсон. Буриадын нийслэлийнхэн 13 жилийн дараа анх удаа хотын даргаа шууд сонгуулиар сонгосон ч олонхийн буюу 52.5 хувийн санал авсан Игорь Шутенковын ялалтыг хүлээн зөвшөөрөхгүй, сонгууль луйвар будлиантай болсныг эсэргүүцэн төв талбайдаа гарч суулт зарлан тэмцэл эхлүүлсэн. Гурван өдөр үргэлжилсэн жагсагчдыг тараах гэж цагдаа хүчний байгууллагынхан утаат гранат хэрэглэж, эсэргүүцлийн үйл ажиллагааг тарааж байгаа цагдаа нарын хэрцгий үйлдлийг олон нийтэд хүргэсэн таксины жолооч Дмитрий Баировыг баривчилжээ. Мөн якут бөө Александр Габышевыг саатуулсан нь олон нийтийн дургүйцлийг хүргэсэн билээ. Эрх баригчид саатуулсан хүмүүсийг суллаж, “Путиныг хөөх” зан үйл үйлдэхээр алхаж байгаа якут бөө Эрхүүгийн зүг явсан байна. Эсэргүүцлийн арга хэмжээ ОХУ-ын Буриад улсын төрийн тэргүүн А.Цыдыновыг жагсагчид руу очиход хүргэж, тэрээр хууль зөрчсөн асуудлыг холбогдох байгууллагаар шалгуулна гэж амласан байна.

Улаан-Үд хотын даргын сонгуульд олонхийн санал авсан Игорь Шутенков энэ сарын 18-нд тангараг өргөсөн. Түүнийг тангараг өргөх үеэр ордны гадаа нэгэн эмэгтэй эсэргүүцлийн лоозон барин зогсож байлаа.  Мөн энэ өдөр Советский дүүргийн шүүхийн хэвлэлийн албанаас мэдээлэхдээ, энэ сарын 9-12-нд Советын талбайд болсон жагсаал цуглааныг зохион байгуулсан гэх хэргээр Петр Дондуковыг 10 хоног баривчлах шийдвэр гарсан гэсэн байна. Энэ шийдвэрийг Буриадын дээд шүүхэд давж заалдаж болно гэснийг aif.ru-гийн мэдээнд дурджээ.  Өчигдөр Буриадын төрийн тэргүүн нийгмийн сүлжээд маш товчхон нэг өгүүлбэр бичсэн байна. “Минийхээр бид одоо хурдаа жаахан сааруулах ёстой байх” А.Цыдыновын бичсэн нь магадгүй болж өнгөрсөн эсэргүүцэл, жагсаалтай холбоотой байж болохыг mk.ru-д тэмдэглэжээ.

Буриадад өрнөсөн эсэргүүцлийн арга хэмжээ оросуудад нэгийг бодогдуулж, орост эрх баригчид хууль хүчний байгууллагыг сонгуулийн луйврыг дарахад ашиглаж байгааг шүүмжлэн цахим сүлжээнд оросууд өөрсдөө бичиж байна.
 

Эх сурвалж: “Зууны мэдээ” сонин
Ж.Цогзолмаа

Дэлгэрэнгүй унших

Дэлхийд

В.Путин БНХАУ руу тавих хийн хоолойг Монголоор дамжуулах боломжийг судлахыг даалгажээ

Published

on

By

ОХУ-ын ерөнхийлөгч Владимир Путин Газпром компанийн захиралд Ямалаас Хятадын зах зээлд хүрэх хийн хоолойг Монголоор дамжуулах боломжийг судлах даалгавар өгчээ. Тэрээр өчигдөр тус компанийн захирал Алексей Миллерийг хүлээн авч уулзсан байна.

Уулзалтын үеэр Путин “Баруун чиглэлээр буюу Монголоор хий дамжуулахын тулд Ямал, Красноярск, Эрхүүгийн бүс нутгуудын байгалийн хийн нөөцийг судлах хэрэгтэй” гэжээ. Түүнчлэн энэ зам нь амаргүй боловч боломжтой гэдгийг онцлоод Хятадын тал ч дэмжих хандлагатай байгаа талаар Миллерт ярьсан байна.

Газпром компани нь арванхоёрдугаар сарны 1-нээс эхлэн “Сибирийн хүч” хоолойгоор Хятадын зах зээлд байгалийн хий экспортлох төлөвлөгөөтэй байгаа юм. ОХУ 30 жилийн хугацаанд Хятадад нэг их наяд куб метр байгалийн хий нийлүүлэх 400 тэрбум ам.долларын гэрээг байгуулжээ. Газпром компанийн захирал “Энэ нь дэлхийн хамгийн том байгалийн хий экспортлогч орон хамгийн том импортлогч зах зээлд нийлүүлэлтээ эхлэх түүхэн үйл явдал” гэдгийг онцолсон байна.  

Одоогоор хоёр улсын эрх баригчид өөр чиглэлээр Хятадын зах зээлд байгалийн хий нийлүүлэх боломжуудыг судалж байгаа аж.

Эх сурвалж: Reuters, Tass 

Дэлгэрэнгүй унших

Дэлхийд

Кэрри Лам Хятадад сэжигтэн шилжүүлэх тухай хуулийн төслийг эргүүлэн татахаар боллоо

Published

on

By

Хонгконгийн захирагч Кэрри Лам эх газрын Хятад руу сэжигтэн шилжүүлэх тухай хуулийн төслийг албан ёсоор эргүүлэн татсан гэж мэдэгдлээ.

Гэхдээ жагсагчдаас хүргүүлсэн бусад шаардлагуудыг хүлээн авах боломжгүй гэж онцолсон байна. Ямартай ч жагсаал, цуглаан, үймээнтэй холбоотойгоор олон нийтийн дунд бий болсон санаа зовинлыг бүрэн арилгахын тулд ийм арга хэмжээ авч байгаа гэдгээ телевизээр хийсэн мэдэгдэлдээ дурджээ. Үүнээс гадна жагсагчдын эсрэг цагдаа нар хүч хэрэглэсэн асуудлыг мөрдөн шалгах тусгай үүрэг бүхий ажлын хэсгийн гишүүдэд өөрчлөлт оруулж байгаагаа зарласан.

Жагсагчид хуулийн төслийг эргүүлэн татахаас гадна Кэрри Ламыг албан тушаалаа өгөх, цагдаа нарын хүч хэрэглэсэн явдлыг шалгаж, баривчлагдсан хүмүүсийг суллан, эрх чөлөө олгох зэрэг шаардлагуудыг хүргүүлээд байсан. Ямартай тавьсан энэ бүх шаардлагыг Хонгконгийн эрх баригчид биелүүлэхээс нааш иргэд жагсаалаа зогсоохгүй гэсэн таамгийг улс төр судлаачид дэвшүүлээд байсан юм.

Хонгконгийн жагсаал эхэлснээс хойш буюу VI сараас хойш цагдаа нар жагсаалд оролцсон 1100 гаруй хүнийг баривчлаад байгаа юм.

М.Золбоо

Дэлгэрэнгүй унших

Онцлох