Connect with us

Дэлхийд

Америкт 100 сая иргэний дансны мэдээллийг хакерджээ

Оруулсан:

огноо:

АНУ-ын санхүүгийн үйлчилгээ үзүүлдэг “Capital One” фирмийн сүлжээнд нэвтэрсэн хакерын дайралтын үеэр 106 сая америкчуудын хувийн мэдээлэл алдагдсан талаар ВВС мэдээллээ.

Өнгөрсөн даваа гаригт хакерыг баривчилсны дараа тус фирмээс энэ мэдээллийг олонд зарласан юм. “Capital One” фирмээс мэдээлж буйгаар үйлчлүүлэгчдийнх нь нэр, хаяг, утасны дугаар болон зээлийн картны бүтээгдэхүүний талаарх тайланг гэмт хэрэгтнүүд гартаа оруулсан байжээ. Гэсэн ч тэд үйлчлүүлэгчдийн зээлийн картын дансны дугаарт нэвтэрч чадаагүй аж.

“Capital One” бол АНУ-д үйл ажиллагаа явуулдаг зээлийн карт гаргагч томоохон байгууллага юм. Тус фирмийн мэдэгдэлд дурдсанаар 100 сая америкчууд болон Канадын зургаан сая хүний мэдээлэл алдагдсан байна. Түүнчлэн нийгмийн хамгааллын 140 мянган тоо баримт, АНУ дахь банкны дансны 80 мянган дугаарыг хакерууд илрүүлсэн байжээ. Канадад нэг сая орчим нийгмийн даатгалын дугаар тус фирмийн үйл ажиллагаанд нэгдсэн байдаг аж.

Хакерыг энэ сарын 19-нд илрүүлсэн аж. “Capital One”-ээс “Хакер нь компанийн дэд бүтцийг сайн мэддэг байсны дээр нэвтрэх аргаа эртнээс боловсруулсан байсан” гэжээ. Хэрэглэгчдийн нэр, төрсөн огноог олж мэдсэний дээр зээлийн оноо, хязгаар, тэнцэл, төлбөрийн түүх болон холбоо барих мэдээллийг ч олзолсон байжээ. Тус фирмийн мэдэгдэж буйгаар энэ гэмт хэрэг нь луйврын шинж чанартай биш байсан боловч мөрдөн байцаалтыг үргэлжлүүлэхээр болсон байна.

Иймд компанийн зүгээс халдлагад өртсөн хүмүүст зээлийн мониторинг болон аюулгүй байдлын хамгаалалтын үйлчилгээг үзүүлэхээр болжээ. Компанийн ерөнхийлөгч Ричард Фэйрбанк “Гэмт хэрэгтэн баригдсанд баяртай байна. Гэсэн ч болсон үйл явдалд гүнээ харамсаж буйгаа илэрхийлье. Болсон бүх зүйлд уучлалт хүсэхийн хамт бүх зүйлийг эргээд хэвэнд нь оруулна гэдгээ амлая” гэжээ. АНУ-ын Хууль зүйн яамнаас тус гэмт хэрэгтэн нь Сиэтл хотын технологийн компанийн программ хангамжийн инженер мэргэжилтэй нэгэн байсныг батлаад байна. Түүнийг Пэйж Томсон гэдэг бөгөөд 33 настай.  Хуулийн байцаалт маргааш эхлэх аж. Тэрээр хамгийн ихдээ таван жилийн хорих ял болон 250 мянган ам.долларын торгууль хүлээх төлөвтэй байгаа юм.
 

Эх сурвалж: “Зууны мэдээ” сонин
Ж.Цогзолмаа

Дэлхийд

Сидней хот утаанд автжээ

Published

on

By

Австрали улсад дэгдсэн ой хээрийн түймэртэй холбоотойгоор тус улсын хамгийн том хот болох Сидней түймрийн утаанд автжээ. Түймрийн утаа агаарын чанарт сөргөөр нөлөөлж аюултай хэмжээнд хүрсэн тул мэдээллийн хэрэгслээр дамжуулан анхааруулах мессежийг ард иргэддээ өгч буй аж. Австралийн үндэсний эрүүл мэндийн хорооноос гаргасан судалгаагаар Сидней хот дахь утааны чанар зөвшөөрөгдөх хэмжээнээс найм дахин илүү байгаа гэнэ.

Австралийн онцгой байдлын газрын мэдээллээр Сидней хотын утаа ойрын долоо хоногтоо татрахгүй аж. Өнгөрсөн аравдугаар сараас хойш Австрали улсад дэгдсэн ой хээрийн түймрийн улмаас зургаан хүн амь насаа алдаад байгаа юм. Үндэсний цаг уурын албаны мэдээллээр Австралийн дундаж хэм ойрын нэг сарын хугацаанд 35-аас буухгүй гэдэг нь түймэр унтраахад улам хүндрэл учруулж байгаа билээ.

Дэлгэрэнгүй унших

Дэлхийд

Хонг Конгт зорчих монгол иргэдийн анхааралд

Published

on

By

Хонг Конгт олон сар үргэлжилж буй эсэргүүцлийн хөдөлгөөн хурцдаж, эрчимжих хандлагатай байгаа бөгөөд нэг хүн буудуулж хүнд шархаджээ.

Хэвлэл болон олон нийтийн сүлжээгээр мэдээлснээр дараах газруудад эсэргүүцлийн жагсаал болох юм байна. Үүнд:

11 дүгээр сарын 12-нд: 20:00 цагт “New Town Plaza, Shatin”
11 дүгээр сарын 14-нд: “Edinburgh Place” болон “Hong Kong Stadium”
11 дүгээр сарын 19-нд: “Hong Kong Stadium”
11 дүгээр сарын 21-нд: 19:00 цагт “Yuen Long Station”

Иймд иргэд та бүхэн Хонг Конгт зорчихдоо сонор сэрэмжтэй байх, дээр дурдсан газруудад зорчихгүй байхыг ГХЯ-ны Консулын газраас зөвлөж байна.

Дэлгэрэнгүй унших

Дэлхийд

Япон улсын Эзэн xаан Нарүхито

Published

on

By

Япон улсын Эзэн xаан Нарүхитог хаан сэнтийд заларсныг тунхаглах төрийн ёслол өнөөдөр Токио дахь эзэн хааны ордонд боллоо.

Өдгөө 59 настай Нарүхито нь өнгөрсөн тавдугаар сарын 1-нд эцэг Акихитогоос хаан ширээг залгамжилж авснаар Японд “Рэйва” хэмээх шинэ эрин эхэлсэн билээ. Эзэн хаан амьд сэрүүндээ хаан ширээнээсээ өөрийн саналаар буусан тохиолдол сүүлийн 200 гаруй жилийн хугацаанд гарч байгаагүй юм.

Олон зуун жилийн уламжлалтай ёслол хүндэтгэлийн ажиллагаанд 180 орчим улсын төлөөлөл оролцохоор иржээ. Мөн эзэн хаанд баяр хүргэхээр сайд нарын танхимын гишүүд, хууль тогтоох байгууллагын төлөөлөл, мужуудын захирагчид, эрдэмтэд, бизнес эрхлэгчид зэрэг Японы нийгмийн бүхий л давхаргын 1600 орчим төлөөлөгч уригджээ.

26 мянган цагдаагийн албан хаагч аюулгүй байдлыг сахиулан ажиллажээ.

Эзэн хаан Нарүхито ордны гурван сүм дуганд очиж өвөг дээдэстээ хүндэтгэл үзүүлэн ёслол үйлдэв. Үүний дараа ордны гол танхимд эзэн хаан Нарүхито үг хэлж, хаан ширээ залгамжилж буйгаа зарлан тунхаглав. Тэрээр “Би Үндсэн хууль болон эзэн хааны ордны тухай хуульд заасны дагуу хаан сэнтийд заларлаа. Улс үндэстэн, ард түмнийхээ эв нэгдлийн бэлгэдэл байхаа батлан тангараглаж байна” гэжээ. Дараа нь Японы Ерөнхий сайд Шинзо Абэ ард иргэдийн өмнөөс эзэн хаанд баяр хүргэж, урт удаан наслахыг ерөөсөн мэндчилгээг дэвшүүллээ.

Үдээс хойш баярын арга хэмжээ хүлээн авалтаар үргэлжилж, эзэн хаан Нарухито олон улсын хүндэт зочдын хамт хүндэтгэлийн зоог барих бол маргааш тэдэнд зориулсан цайны ёслол болох юм байна. Мөн энэ өдөр бүх нийтийн баярын жагсаал зохион байгуулахаар төлөвлөж байсан ч Хагибис хар салхи болсонтой холбогдуулан жагсаалыг ирэх сарын 10-нд болгон хойшлуулжээ.

Хаан сэнтийн ёслолын арга хэмжээг зохион байгуулахад 147 сая гаруй ам.долларын хөрөнгө зарцуулсан бөгөөд 26 мянган цагдаагийн албан хаагч аюулгүй байдлыг сахиулан ажиллав.

Эх сурвалж: NHK, TASS

Дэлгэрэнгүй унших

Онцлох