Connect with us

Дэлхийд

Сибирт гарсан ой хээрийн түймэр манайхаас 700 км-ийн зайтай байна гэв

Оруулсан:

огноо:

Сибирт гарсан ой хээрийн түймрийн асуудлаар Онцгой байдлын газраас мэдээлэл хийлээ.

Тус газраас мэдээлж буйгаар “Агаараар авсан зурагнаас харахад Сибирт гарсан ой хээрийн түймэр манай нутгаас 700 км-ийн зайтай байна. Байгаль далайн цаана гарсан түймэр. Наана нь Улаан-Үүд, Эрхүү гэсэн том хотууд бий. Өнөөдрийн байдлаар ОХУ-ын хил дагуу буюу манайхтай залгаа ой хээрийн түймэр алга байна. Гэхдээ он гарсаар Дорнод, Хэнтий аймгийн сумдаар хил давж орж ирсэн таван түймрийг бүрэн унтраасан. Утааны хувьд уржигдраас эхэлж ажиглагдаж эхэлсэн.

Өнөөдрийн байдлаар хиймэл дагуулаар харахад Хөвсгөл, Булган, Төв аймаг Нийслэлд гээд битүү утаатай байна.
Түүнээс Эрхүүд гарсан түймэр өнөө маргаашийн дотор Монгол Улс руу шууд дамжаад орж ирэх боломжгүй.

Тухайн бүст гарсан ой хээрийн түймрийг унтраахаар ажиллаж байна. Монголд утаа нь орж ирснээс түймэр хил давж орж ирсэн зүйл байхгүй. Нэг дороо дүрэлзсэн гал биш олон голомтод тархсан гал учраас нийтдээ сая га талбайг хамарсан түймэр байх шиг байна” гэв. 

Дэлхийд

Сидней хот утаанд автжээ

Published

on

By

Австрали улсад дэгдсэн ой хээрийн түймэртэй холбоотойгоор тус улсын хамгийн том хот болох Сидней түймрийн утаанд автжээ. Түймрийн утаа агаарын чанарт сөргөөр нөлөөлж аюултай хэмжээнд хүрсэн тул мэдээллийн хэрэгслээр дамжуулан анхааруулах мессежийг ард иргэддээ өгч буй аж. Австралийн үндэсний эрүүл мэндийн хорооноос гаргасан судалгаагаар Сидней хот дахь утааны чанар зөвшөөрөгдөх хэмжээнээс найм дахин илүү байгаа гэнэ.

Австралийн онцгой байдлын газрын мэдээллээр Сидней хотын утаа ойрын долоо хоногтоо татрахгүй аж. Өнгөрсөн аравдугаар сараас хойш Австрали улсад дэгдсэн ой хээрийн түймрийн улмаас зургаан хүн амь насаа алдаад байгаа юм. Үндэсний цаг уурын албаны мэдээллээр Австралийн дундаж хэм ойрын нэг сарын хугацаанд 35-аас буухгүй гэдэг нь түймэр унтраахад улам хүндрэл учруулж байгаа билээ.

Дэлгэрэнгүй унших

Дэлхийд

Хонг Конгт зорчих монгол иргэдийн анхааралд

Published

on

By

Хонг Конгт олон сар үргэлжилж буй эсэргүүцлийн хөдөлгөөн хурцдаж, эрчимжих хандлагатай байгаа бөгөөд нэг хүн буудуулж хүнд шархаджээ.

Хэвлэл болон олон нийтийн сүлжээгээр мэдээлснээр дараах газруудад эсэргүүцлийн жагсаал болох юм байна. Үүнд:

11 дүгээр сарын 12-нд: 20:00 цагт “New Town Plaza, Shatin”
11 дүгээр сарын 14-нд: “Edinburgh Place” болон “Hong Kong Stadium”
11 дүгээр сарын 19-нд: “Hong Kong Stadium”
11 дүгээр сарын 21-нд: 19:00 цагт “Yuen Long Station”

Иймд иргэд та бүхэн Хонг Конгт зорчихдоо сонор сэрэмжтэй байх, дээр дурдсан газруудад зорчихгүй байхыг ГХЯ-ны Консулын газраас зөвлөж байна.

Дэлгэрэнгүй унших

Дэлхийд

Япон улсын Эзэн xаан Нарүхито

Published

on

By

Япон улсын Эзэн xаан Нарүхитог хаан сэнтийд заларсныг тунхаглах төрийн ёслол өнөөдөр Токио дахь эзэн хааны ордонд боллоо.

Өдгөө 59 настай Нарүхито нь өнгөрсөн тавдугаар сарын 1-нд эцэг Акихитогоос хаан ширээг залгамжилж авснаар Японд “Рэйва” хэмээх шинэ эрин эхэлсэн билээ. Эзэн хаан амьд сэрүүндээ хаан ширээнээсээ өөрийн саналаар буусан тохиолдол сүүлийн 200 гаруй жилийн хугацаанд гарч байгаагүй юм.

Олон зуун жилийн уламжлалтай ёслол хүндэтгэлийн ажиллагаанд 180 орчим улсын төлөөлөл оролцохоор иржээ. Мөн эзэн хаанд баяр хүргэхээр сайд нарын танхимын гишүүд, хууль тогтоох байгууллагын төлөөлөл, мужуудын захирагчид, эрдэмтэд, бизнес эрхлэгчид зэрэг Японы нийгмийн бүхий л давхаргын 1600 орчим төлөөлөгч уригджээ.

26 мянган цагдаагийн албан хаагч аюулгүй байдлыг сахиулан ажиллажээ.

Эзэн хаан Нарүхито ордны гурван сүм дуганд очиж өвөг дээдэстээ хүндэтгэл үзүүлэн ёслол үйлдэв. Үүний дараа ордны гол танхимд эзэн хаан Нарүхито үг хэлж, хаан ширээ залгамжилж буйгаа зарлан тунхаглав. Тэрээр “Би Үндсэн хууль болон эзэн хааны ордны тухай хуульд заасны дагуу хаан сэнтийд заларлаа. Улс үндэстэн, ард түмнийхээ эв нэгдлийн бэлгэдэл байхаа батлан тангараглаж байна” гэжээ. Дараа нь Японы Ерөнхий сайд Шинзо Абэ ард иргэдийн өмнөөс эзэн хаанд баяр хүргэж, урт удаан наслахыг ерөөсөн мэндчилгээг дэвшүүллээ.

Үдээс хойш баярын арга хэмжээ хүлээн авалтаар үргэлжилж, эзэн хаан Нарухито олон улсын хүндэт зочдын хамт хүндэтгэлийн зоог барих бол маргааш тэдэнд зориулсан цайны ёслол болох юм байна. Мөн энэ өдөр бүх нийтийн баярын жагсаал зохион байгуулахаар төлөвлөж байсан ч Хагибис хар салхи болсонтой холбогдуулан жагсаалыг ирэх сарын 10-нд болгон хойшлуулжээ.

Хаан сэнтийн ёслолын арга хэмжээг зохион байгуулахад 147 сая гаруй ам.долларын хөрөнгө зарцуулсан бөгөөд 26 мянган цагдаагийн албан хаагч аюулгүй байдлыг сахиулан ажиллав.

Эх сурвалж: NHK, TASS

Дэлгэрэнгүй унших

Онцлох