Connect with us

Бусад

Долдугаар сарын өрнийн зурхай /2019.VII.1-2019.VII.31/

Оруулсан:

огноо:

ХОНЬ 

Сарын эхээр мөнгөнд болгоомжтой хандаж хэл амнаас холхон байгаарай. Хажуудаа итгэлтэй хүмүүсийг сонгох хэрэгтэй. Таныг бүгд буруутгаж, бусдын алдааг хүртэл тохохыг оролдоно. Дотнын хүнийхээ олон дутагдлуудыг хараагүй мэт өнгөрөө, хамгийн сайхан дурсамжуудаа хадгалан үлдэхийг хичээ. Танд шинэ ажил зохион байгуулах, санхүүгийн хүндрэлээс гарах гарц олох хангалттай хүч байна. Ухаалаг, тэсвэртэй байдал нь зорилгодоо хүрэхэд нэмэртэй. Дотнын хүмүүс чинь чухал асуудлаа шийдэхэд саад хийх хэрэггүй. Ямар ч асуудалд бүтээлч, ухаалаг байдлаар хандах нь ашигтай. Одоо хэрэгжиж буй гэрээ хэлэлцээрүүдийн дутуу дулимаг талууд, төр албан хаагчдын шударга бус чанар илэрч магадгүй. Энэ нь таны санхүүгийн байдалд сөргөөр нөлөөлнө. Олонх ганц бие хүмүүс хостой болохоор шийднэ. Энэ нь бүтэлтэй болбол тань шиг хүний үнэ цэнэ өндөрт гарна. Өөрийн нөлөөллийн хүрээгээ боломжтой бүхий л аргаар өргөжүүл. Таны амжилтын гол хөдөлгүүр нь зөв сурталчилгаа байна.

ҮХЭР

Энэ сард гэр бүл болон хувийн амьдралтай холбоотой асуудлууд ажил юу юунаас илүү чухал байр суурийг эзэлнэ. Оюун санаа болон сэтгэлийн тогтвортой байдал үхрүүдийн хувьд нэн чухал байна. Мөн энэ сард өөртөө итгэх итгэлээр бялхаж, зорилгодоо хүрэх төлөвлөгөө боловсруулж ажиллана. Эерэг сэтгэлгээ чинь чамайг урам зоригоор огт дутаахгүй. Өөрийн гэсэн сонирхолтой ертөнцийг бий болгохыг хүсэж дотоод руугаа өнгийх бололтой. Бизнесийн чухал шийдвэрүүдийг алсаа харж байж гаргахыг од эрхэс сануулж байна. Өмнө нь үүсээд байсан мөнгөтэй холбоотой ихэнх асуудлууд энэ сард шийдэгдэх болно. Сарын хоёр дахь долоо хоногоос зургаа дахь мэдэрхүй хүчтэй байж, сонин содон зүйлс тохиолдох магадлал өндөр байна. Мөн тогтвортой харилцааг хүчээр бий болгох гэж хичээх хэрэггүй бөгөөд жамаараа болог гээд орхих тусам чам руу харин ч илүү тэмүүлж мэдэх юм шүү. Хостой үхрийнхний хувьд харилцаагаа улам бат болгож зангидан, бүрэн хяналтандаа байлгаж чадна. Мөн хүүхэдтэй болохоор төлөвлөж эхлэх сайхан үе тохиож байна. Энэ сард чиний эрүүл мэнд маш сайн байх болно. Гэр бүлийн харилцаа чинь сайжирч, өөртөө итгэх итгэл чинь нэмэгдэнэ.

ИХЭР

Өөрийгөө үнэлэх чадвараа дээшлүүл. Ингэхгүй бол та юунд ч хүрэхгүй. Хайрт чинь хэцүү үед таныг дэмжиж, асуудлуудын зөв шийдлийг хэлж өгөх болно. Аз амжилтын хойноос хөөцөлдөж явахдаа өдөр тутмын үүрэг даалгавар, хүмүүсийн өмнө хүлээсэн үүрэг амлалтаа бүү март. Сэтгэл санааны хэт ачааллаас болж өвчинд өртөмтгий байна. Хэдий ажил ихтэй ч хань үр хуүхдийнхээ тав тухыг хангах нь таны үүрэг мөн. Гэр бүлийнхээ уур амьсгалыг сайжруулахын тулд уур уцаараа барь. Санхүүгийн байдал огцом муудаж болно. Үүсч болзошгүй хүндрэлүүд танаас өөрийгөө хүчтэй хянаж байхыг шаардаж байна. Та хэт тэвчээргүй загнаж ер бусын сайн сайхныг хүсч байна. Та амжилтад хүрэхийг хүсч байгаа бол хүч чадлаа бүрэн дайчил, тэвчээртэй бай. Сэтгэлийн хөдөлгөөнөө барь, эс бөгөөс олон таагүй зүйл хийх бололтой. Сарын сүүлээр хайртай хосуудыг удаан дурсагдах үйл явдал хүлээж байна. Санхүүгийн ажиллагаа явуулах, юм худалдан авах, худалдааны гэрээ хэлцэл байгуулахад таатай. Амьдралынхаа ханийг сонгохдоо бусдын санаа бодолд бүү түшиглэ. Ажил хэргийн амжилт таны талд байна.

 МЭЛХИЙ 

Сарын эхээр таны өмнө ер бусын шинэ ирээдүй боломж нээгдэнэ. Таны амьдралд цоо шинэ хуудас нээх томоохон ажил эхлэхэд хамгийн таатай цаг үе. Уран бүтээлчдэд алдар хүнд, албан тушаал дэвших хүсэлтэйд нь өндөр байр суурь авчирна. Санхүүгийн байдал таатай бус. Түншүүдийн тань тавьсан саналууд ирээдүйн амьдралаа дээшлүүлэх төлөвлөгөөний чинь үндэс болох болно. Та уран бүтээлийн уран зөгнөлөө ашиглах ба урлагийн өндөрлөгт хүрэхэд хүчээ чиглүүлснээр олон хүндрэлтэй асуудлаасаа салж чадна. Таны хувьд өрхийн зардал тань зохистой хэмжээнээс давж байгаа мэт санагдана. Иймээс хосуудын хоорондын харьцаа хүйтэн хөндий болж болзошгүй. Эцэг эхийн аль нэгнээс эсвэл найз нөхдөөсөө ажил хэргийн туслалцаа авна. Сарын сүүлээр өөртөө эргэлзээ төрүүлэхээ боль. Муу зөвлөгөө, гүтгэлэг гарах аюултай. Үг, үйл хөдлөлөө хяна. Та өөрийнхөө аз жаргалыг өөрийн гараар урлан бүтээгч нь мөн. Ямар ч хүнд хэцүүг өөрийн өөдрөг үзлийн гэрлээр гийгүүлэн даван туулж чадна. Гэр бүлийн амьдрал баяр баясгалан харилцан итгэлцэлтэй сэтгэл санаа тайван байна. Аялал явах, нүүж шилжих оршин суугаа газраа өөрчлөхөд таагүй.

АРСЛАН

Сарын эхээр боловсрол, урлагийн салбарт ажилладаг хүмүүсийг амжилт хүлээж байна. Од эрхсийн байдал танд бүхий л талаар тусална. Уран бүтээлийн хамт олон, ажлынхаа газрынхантай найрсаг харьцаа бий болго. Дараа нь тэд таны авьяас чадварыг дэмжиж, уран бүтээлд тань тусална. Мөнгөтэй холбоотой ажил маш амжилттай урагшлах таатай боломж байна. Хувь заяа чинь ихийг өгнө. Сэтгэл хөдлөлөөсөө болж урьд байгуулсан тохиролцоогоо бүү зөрч. Удирдах албан тушаал эрхэлдэг хүмүүс амжилт гаргана. Гэр бүлийнхэнтэйгээ харьцахдаа буулт хийх чадвараа сана. Үйлдлээ өөрчилбөл зуршил өөрчлөгдөнө. Зуршлаа өөрчилбөл зан чинь өөрчлөгдөнө. Харин сарын дундуур амлалт өгөх, бичиг баримт бүрдүүлэхдээ болгоомжтой бай. Эрүүл мэндэд чинь эрсдэлтэй байх сэжигтэй зүйлээс хол бай. Төрийн болон шүүхийн байгууллагад хандахад тохиромжгүй. Материаллаг, хуулийн санхүүгийн асуудлаар эрсдэлтэй алхам бүү хий. Ажил хэргийн харилцаа холбоонд түншдээ бүү үнэмш. Худал хуурмагаас зайлсхийхийн тулд албан ёсны бичиг баримт шаард. Тамга, гарын үсэг, огноо зөв байгааг шалга. Эс тэгвээс ичгэвтэр байдалд орж магадгүй. Сарын сүүлээр санхүүгийн хүнд байдалд орно.

ОХИН

Сарын эхээр гэдэсний халдварт өвчин тусах магадлал маш өндөр байна. Өвөрмөц хоол хүнс бүү ид. Мөн мэдэхгүй эмчилгээнүүдээс ч зайлсхий. Санхүүгийн тал дээр санаа зоволтгүй. Сексийн эрч хүч нэмэгдэнэ. Зарим охиныхон албан тушаал дэвшинэ. Хайр дурлал шинээр ирнэ. Өрийн дарамтаас гарахад туслах хүн олдох бололтой. Гарах гарцгүй байдалд орж, улмаар нэлээд алдагдал хүлээж байж энэ байдлаас гарна. Хувь заяа таныг шалгана. Хуучин асуудлыг шинэ санаа бодлоор баяжуулж гаргасан шийдвэр амжилтад хүргэнэ. Бодлоосоо бүү зайлсхий. Тэр нь амжилтын үндэс болдог. Санхүүгийн хүндрэл гаргасан ч ажил байдалд дүгнэлт хийж ажлаа сайн төлөвлө. Ямар ч ажилд таны санаачилга их чухал үүрэгтэй. Тиймээс санаачилгатай бай. Ганц бие бол романтик адал явдалтай учирч, сонирхолтой хүнтэй танилцана. Сэтгэл зүрхээ өгөх гэж бүү яар. Амралтын өдөр маш идэвхтэй болно. Амжилтын хойноос хөөвөл учрах алдааг тооцож анхаар. Өрсөлдөгчийнхөө явуулж буй бодлого, өөрт ашигтайгаар асуудлыг шийдвэрлэх чадварыг харан суралц.

ЖИНЛҮҮР

Сарын эхээр санхүүгийн хүндрэлээс гарахын тулд ер бусын идэвх гаргана. Материаллаг сайхан байдлаа дээшлүүлэх, карьераа амжилттай өсгөхөд тааламжтай. Шинэ ажил эхлэхэд хүндрэл саад тотгор гарах тул урьдах ажлаа дуусгахыг зөвлөж байна. Эмэгтэйчүүд найдвартай ивээн тэтгэлэг, эсвэл амьдралынхаа ханийг олох бололтой. Хэрвээ таныг хайр дурлал эзэмдэж харьцаа тодорхойгүй, аз жаргалыг бүрэн амталж чадахгүй байгаа бол ажил хэрэг тань бүх салбарт гялалзаж байсан ч нэмэргүй. Та романтик харилцаандаа ялдам ба эелдэг байж, хамтрагчтайгаа бат бөх холбоог тогтоож чадна.Таны хувьд хэтийн ирээдүйтэй ажлыг анзааралгүй орхигдуулахгүй байх нь чухал. Хувь заяаны эрхээр та хаана ч очсон бай мөнгө олж чадна. Эрүүл мэнддээ анхаар. Шүд өвдөж болзошгүй. Настай хүмүүс үе мөчөө хугарч гэмтэхээс сэрэмжил. Зөн совингоо дагавал мөнгөний асуудал дээр азтай байх болно. Хувийн амьдралд өөрчлөлт гарах тул үүнд бэлэн бай. Сарын сүүлээр нэлээн ачаалалтай байх нь. Дарга тань шинэ ажил үүргүүдээр дарах магадлалтай. Иймээс тайвшралгүй ажиллаад бай. Хамт ажиллагсдадаа бүү гомдол мэдүүл.

ХИЛЭНЦ

Сарын эхээр энэ ордынхон хайнга, хэнэггүй байна. Эд мөнгөө гээж үрэгдүүлэх магадлалтай. Өмнө нь эхэлсэн ажлаа дуусгах нь дээр. Хувийнхаа харьцааг төгөлдөржүүлж, хамтын үйл ажиллагааны баримт нэг бүрийг өөрийгөө илэрхийлэх боломж олгосон гайхамшигтай адал явдал болгон хувирга. Од гаригсийн эрхшээлээр шинэ ажил эхлэхэд бүтэмжгүй байна. Гэхдээ өмнө нь гаргасан хичээл зүтгэлийн үр дүн болох, эсвэл ямар нэгэн ажлыг дуусгах үйл явдал тохиолдох магадлалтай. Хувийн амьдралдаа сэтгэл дундуурхан байгаа бол ажлаа сайн хийж дутуугаа нөхөж дундуураа дүүргэх хэрэгтэй. Ажил мэргэжлийн хүрээнээс гадна хувийн амьдралд ч гэнэтийн сонин явдал тохиолдож болзошгүй. Өндөр орлого орж ирж болох ч, эрсдэлтэй төсөлд оролцохоос татгалзсан нь өлзийтэй. Сарын сүүлээр харин од эрхсийн эрхшээлээр ажил дээр тодорхойгүй байдал үүснэ. Өөрийн мэдлэг чадварт итгэлгүй байдлаас таагүй явдал гарч мэднэ. Санхүүгийн байдал бага зэрэг дээрдэнэ. Хууч өвчтэй хүмүүс эрүүл мэнддээ санаа тавиарай. Тааламжгүй мэдээг хэт эмзэглэлгүй хүлээн авахыг хичээгээрэй.

НУМ

Сарын эхээр нумынхан биеэ барих чадваргүй түргэн уураасаа болж хөнгөмсөг бодлогогүй үйлдэл хийж магадгүй. Айдас эргэлзээнээс сал. Ингэвэл та маргаанд өөрийн үзэл бодлоо хамгаалж чадна. Од эрхэс үл ойлголцсон байдлыг эвлэрүүлж, хэвийн харьцаанд оруулахад тусална. Орлогын шинэ эх үүсвэр олж магадгүй. Найзуудынхаа үгэнд орж, шинэ үйлдвэрлэлд хөрөнгө оруулахад та алдахгүй. Хайртай хосуудын харьцаа маш сайн байна. Ажил хэргийн бага сага асуудлууд ядах юмгүй шийдэгдэнэ. Дотно хүмүүсийн дэмжлэгээр хайртай хосууд биесээ ойлголцоно. Хөрөнгө оруулалтаас ашиг олох магадлалтай. Бичиг баримт бүрдүүлэх, шүүхэд хандах, ажил төрлөөр яриа өрнүүлэх өөрийн бараа, кампанийн нэр хүндийг сурталчлахад таатай. Харин бүхий л асуудалд хэт итгэмтгий, гэнэн байх нь зэмлэл, доог тохуу авчирч магадгүй байна. Сарын сүүлээр эрүүл мэндэд таагүй зүйлс тохиолдож магадгүй. Мөнгө санхүүгийн алдагдлаас зайлах аргагүй бололтой. Хямгатай байж чадвал энэ бүхнийг сайнаар эргүүлэх боломж бас байна. Дараа нь үл ойлголцох байдал үүсгэхгүйн тулд удирдлага болон дотнын хүмүүстэйгээ ойр холбоотой бай. Бичиг баримттай холбоотой эмхлэх зүйлд мөн утга зохиолын ажилд амжилттай байна.

МАТАР

Сарын эхээр эмэгтэйчүүдийн хувд тэдний амьдралыг эрс өөрчлөх гэнэтийн уулзалт болж болзошгүй. Хосууд бие биеэ ойлгох хэрэгтэй. Жолооч, явган зорчигчийн аль нь ч байсан та авто зам дээр болгоомжтой зорч осол аваарт орох магадлал өндөр байна. Ажил дээр үүссэн таагүй явдлууд хувийн харьцаанд нөлөөлж ойр дотнынхонтойгоо муудахад хүргэнэ. Сэтгэл хөдлөлөө барь. Оюун санааны хүч гайхалтай сайн байх тул ямар ч саад тотгорыг амжилттай даван туулна. Баяр наадам хамт олны үйл ажиллагаанд уригдах магадлалтай. Таныг маш олон үдэшлэг, бэлэг хүлээж байна. Матрын ордныхон хурц гүйлгээ ухаан, ажил хэрэгч, шийдэмгий байдал гаргаж хүссэндээ хүрч чадна. Гол нь замын дундаас бүү ухар. Ажлын байр хайж байгаа матрынханд бүгдэд нь боломж олдох хэдий ч ажил олгогчийн зүгээс тавьсан шаардлагын жижиг деталь хэсгүүдэд ч анхаарч, бодолцож үзэх хэрэгтэйг од эрхэс зөвлөж байна.Нүүдэл суудал хийж аяллаар явж болзошгүй. Оршин суугаа газраа сольсноос ажлын байртай холбоотой асуудлууд үүсч магадгүй. Секс холбоо ихээхэн болгоомжтой байдлыг шаардана. Та ханьдаа бүрэн дүүрэн итгэж болно.

ХУМХ

Сарын эхээр сэтгэл санааны тогтворгүй байдал, соргог мэдрэмж, бодсон санаснаа огцом, хурц илэрхийлэх, хөнгөмсөг байх нь болзошгүй хохирлыг авчирч, мэргэжлийн ажиллагаанд төдийгүй дотно хүний харилцаанд хүндрэл авчирна. Бие тавгүйтэж, уур хүрэн, сэтгэл хямарна. Хянамгай байж, сэтгэл хөдлөлдөө бүү авт. Хайр дурлалдаа өөрчлөлт хийх хүсэл, найз бүсгүйнхээ өмнө хүлээсэн үүрэг хоёрын эсрэг тэсрэг байдал дотоод зөрчилд хүргэнэ. Юу ч болж байсан хамаагүй тавьсан зорилгодоо хүрэх гэсэн эрмэлзэл чинь хориотой, хууран мэхлэх аргыг ч хэрэглэхэд хүргэх ба энэ нь таны нэр хүндэд муугаар нөлөөлж, бусадтай сөргөлдөхөд хүргэнэ. Таны ажлын ачаалал нэмэгдсэн ч материаллаг байдал дээшлэхгүй. Гэхдээ гуниад хэрэггүй. Энэ байдал удаан үргэлжлэхгүй. Гэр бүлтэйгээ амрах нь гомдол, урам хугарлаас хол байхад тусална. Од эрхсийн зүгээс үзүүлэх нөлөө танд өөрийгөө тогтвортой байлгахад тустай. Тавьсан зорилгодоо хүрэхийн тулд өөрийн төсөл, төлөвлөгөөндөө бусдыг татан оролцуулаарай. Учир нь хамт олны хүч илүү итгэл найдвартай, үр дүнтэй байна. Ухаалаг бай. Хэрүүл маргаан ихэнхдээ болгоомжгүй хэлсэн ганц үгнээс л болдог.

ЗАГАС

Сарын эхээр их ашиг амласан саналууд хүлээн авна. Томоохон эрсдэл хийхээс айдаггүй хүмүүсийг амжилт хүлээж байдаг. Бэрхшээл хүндрэлээс айлгүй зоригтой хийсэн алхам чинь таныг нэг шат ахиулна. Ганц бие хүмүүс сонирхсон хүмүүстэйгээ уулзана. Ажлыг өөртөө таалагдуулах гэж биш харин мөнгө олох гэж ажилладаг гэдгийг санаж яваарай. Хэдийгээр танилуудын хүрээ өргөсөх боловч энэ харилцаагаа ашиглаж нийгмийн байдлаа дээшлүүлж чадахгүй. Зарлагаа ангилан тодорхойлж сургалт, ажил хэргээ эн тэргүүнд тавих ёстойг сана. Ингэвэл зарим хэрэггүй зардлаа танах, хяналт тавих боломжтой болно. Найз нөхөд, ивээн тэтгэгчдээс муугүй тусламж хүлээж авч магадгүй. Одоохондоо ирээдүйнхээ төлөө ажилла. Санхүүгийн сайн сайхан байдал ойрын ирээдүйд ирнэ. Хүүхдүүдэд тань ёс суртахууны төдийгүй санхүүгийн дэмжлэг шаардлагатай байна. Хүүхдүүдийнхээ сургалтад мөнгө бүү хайрла. Тэдэнд үе үе бэлэг бэлэглэж, хамт зугаалж бай. Сарын сүүлээр зээл авах, бизнесээ өргөжүүлэх, хувийн бизнестээ хөрөнгө оруулах зэрэг санхүүгийн эрсдэлтэй алхмууд хийхэд тохиромжтой. Азын тэнгэр ивээж байна. Өмнө нь их хүч хөдөлмөр зарсан ажлаас ашиг орж ирнэ. Зорьсон зорилгодоо итгэлтэй хөдлөх явдал нь шинэ арга замыг олж харахад хүргэнэ.

Бусад

SAT шалгалтын тухай

Published

on

By

Монгол залуус гадаадын их сургуулиудад тэтгэлгээр суралцахад тулгардаг томоохон шалгуур болох SAT шалгалтын талаар мэдээлэл орууллаа. Энэхүү мэдээллийг уншсанаараа та SAT гэж юу вэ? Ямар бүтэцтэй вэ? Хэрхэн бүртгүүлэх вэ? Хэрхэн бэлдэж өндөр оноо авах вэ? гээд цогц мэдээллийг авах болно.

SAT-Scholastic Aptitude (Assessment) Test

АНУ-д бакалаврын зэргээр сурахыг горилогчид голдуу ACT аль эсвэл SAT шалгалтын тодорхой босгыг давсан байх шаардлагатай юм. Өнөөдрийн нийтлэлээр та бүхэнтэй SAT хэмээн шалгалтын яг ямар шалгалт болохыг, түүнчлэн хэрхэн үр дүнтэй бэлдэх зэрэг талаар хуваалцах болно. Энэ шалгалтыг Монголд хэд хэдэн газар авдаг, дээрээс нь бэлдэх газар, материал, мэдээлэл элбэг байдаг юм.

ШАЛГАЛТЫН ТУХАЙ ТОВЧХОН…

Энэ шалгалт нь анх 1926 оноос хэрэгжиж эхэлсэн Америкийн их дээд сургуульд, коллежид ороход гол шалгуур болсон, ахлах ангийг төгсөх сурагчдад зориулсан чухал шалгалт билээ. Манайхаар бол конкурс буюу ЭЕШ гэж ойлгож болно. SAT нь Scholastic Aptitude Test үгний товчлол бөгөөд хожим нь Scholastic Assessment Test болгон нэрийг нь өөрчилж байсан байна. Энэхүү шалгалтыг College Board гэсэн хувийн, ашгийн бус байгууллага мөн бид бүхний сайн мэдэх TOEFL шалгалтыг авдаг ETS (Educational Testing Service) боловсролын байгууллагууд хамтран жилд 7 удаа зохион байгуулж авдаг байна. Энэ нь Монголд ЭЕШ-ыг БСШУСЯ-ны харьяа Боловсролын Үнэлгээний Төв бэлддэгтэй төстэй гэсэн үг. Дашрамд хэлэхэд, энэ нь зөвхөн АНУ-д л биш өөр зарим тэтгэлэг хөтөлбөрийн үндсэн болон туслах шалгуур болдог. Жишээлбэл, Японы G-30 олон улсын сурагчдад зориулсан тэтгэлэгт хүсэлт гаргах гэж байгаа бол SAT-ийн оноотой байхад танд том давуу тал үүсдэг юм байна.

ЯМАР БҮТЭЦТЭЙ БАЙХ ВЭ?

Хэд хэдэн удаа шинэчлэлт өөрчлөлт хийгдэж байсан тэрээр хамгийн сүүлд буюу 2016 оны 3-р сараас Redesigned эсвэл NEW SAT авагдаж эхлэв. Энэ нь өмнөхөөсөө ялгарах зүйл ихтэй, амьдралд илүү ойрхон, зарим судлаачид үүнийг сурагчдын хувьд илүү хөнгөвчилсөн байна гэж үзжээ. 

Шалгалтын бүтцийн хувьд Evidence-Based Reading(баталгаанд суурилсан унших даалгавар)Math буюу Тоо гэсэн үндсэн хоёр хэсэгтэй бөгөөд хэрэв та хүсвэл Optional Essay буюу Эсээ хэсгийг нэмж өгөх боломжтой. Шалгалтын хугацаа 3 цаг бөгөөд Optional Essay сонгосон тохиолдолд нэмэлт 50 минут сууж эсээгээ бичнэ гэсэн үг.

1. Evidence-Based Reading (96АСУУЛТ,100 МИНУТ)

        А. READING (52 АСУУЛТ, 65 МИНУТ)

        ЗАВСАРЛАГАА 10 МИНУТ

        B. WRITING (44 АСУУЛТ, 35 МИНУТ)

2. Math (58АСУУЛТ, 80 МИНУТ)

        A. NO CALCULATOR (20 АСУУЛТ, 25 МИНУТ)

        ЗАВСАРЛАГАА 5 МИНУТ

        B. CALCULATOR PERMITTED (38АСУУЛТ, 55 МИНУТ)

3. Optional Essay(1УНШИЖ БИЧИХ ДААЛГАВАР, 50 МИНУТ)

ХААНА, ХЭЗЭЭ, ТӨЛБӨР?

Энэ шалгалтыг өгөхийн тулд АНУ ч юм уу өөр нэгэн гадаадын улс орныг зорих шаардлагагүй ээ. Монголдоо SAT шалгалтыг өгөх боломжтой. Тодруулбал, Улаанбаатар хотод International School of Ulaanbaatar, Jet School of English, EDEX гэсэн 3 газрын аль боломжтойд нь шалгалтаа өгнө. Ингэхдээ та www.collegeboard.org цахим хуудсаар дамжуулж өөрийн гэсэн хаягаа нээн онлайнаар болон цаасан хэлбэрээр (ихэвчлэн онлайнаар) бүртгүүлнэ. Шалгалт болохоос ойролцоогоор 1 сарын өмнө бүртгэл дуусдаг тул эртхэн бүртгүүлвэл зүгээр байдаг. Учир нь оройтож бүртгүүлсэн шалгуулагчид нэмэлт төлбөр төлөх тохиолдол гардаг. Бүртгэлийн хураамж $45 байдгийн дээр Зүүн Азийн шалгуулагчид $53 нэмж төлдөг. Хэрэв Optional Essay хэсгийг өгнө гэвэл нэмэлтээр $12 төлөх юм байна. Ерөнхийдөө Монголд 98-110 ам.доллараар энэхүү шалгалтыг өгнө гэж ойлгож болно.

2016/17 хичээлийн жилийн шалгалтын хуваарь*:

  • 2016 оны 10-р сарын 1, 11-р сарын 5, 12-р сарын 3,
  • 2017 оны 1-р сарын 21, 3-р сарын 11, 5-р сарын 6, 6-р сарын 3

*Дэлгэрэнгүйг https://collegereadiness.collegeboard.org/sat/register/dates-deadlines

ШАЛГАЛТЫН ӨДӨР ЮУН ДЭЭР АНХААРАХ ХЭРЭГТЭЙ ВЭ?

Тухайн газрын цаг агаарын онцлог, онцгой байдал зэргээс шалтгаалж шалгалтын хугацаанд бага зэрэг өөрчлөлт гарах тохиолдол байдаг. Гэхдээ тийм тохиолдолд шалгалтын газрынхан танд заавал урьдчилж мэдэгдэх тул санаа зовох зүйлгүй.

  • Шалгалтын танхимд иргэний үнэмлэх, гадаад паспорт эсвэл төрсний гэрчилгээтэй (16 нас хүрээгүй тохиолдолд), дээрээс нь Admission Ticket-ээ хэвлэн шалгалтын турш биедээ авч явах.
  • Ойр зуурын хөнгөн зууш, ус, чихэр авч орж болно. Ингэхдээ зөвхөн заасан газар, завсарлагаагаар идэж уухыг зөвшөөрнө.
  • 2В хэмжээтэй харандаа, баллууртай байх. Үзүүрлэгч авч орохыг мөн, харандаанаасаа хоёр ширхгийг авч орохыг зөвлөж байна.
  • Зөвхөн зөвшөөрөгдсөн тооны машин авч орж болно. Жиш: Scientific, Graphic тооны машинууд болно. Шалгалтын эхний гурван хэсгийн туршид тооны машин таны ширээний доор байж байна. Сүүлийн хэсэг эхлэнгүүт шалгагч тооны машин ашиглаж болохыг зөвшөөрсөн үед л гарган хэрэглэх боломжтой. Энэ талаар илүү дэлгэрэнгүйг www.collegeboard.org хуудаснаас уншаарай.
  • Шалгалт ойролцоогоор 8:30-9:00 цагт эхэлнэ. 7:45 гээд хаалгаа нээж эхлэх тул эртхэн очиход илүүдэхгүй.
  • Мэдээж ямарваа нэгэн электрон төхөөрөмж (ухаалаг цаг, утас, чихэвч г.м) авч орж ашиглахыг хориглоно. Гар утсаа унтраасан байх шаардлагатай.

ОНОО

Шалгалтын хариу ихэвчлэн ойролцоогоор 1 сарын хугацааны дараа гардаг. Оноогоо цахимаар харна (Хүсвэл энгийн шуудангаар авч болно). Ингэхдээ тусгайлан гаргасан хүснэгтийн дагуу таны оноо тооцогдоно. Бэлдэх явцдаа угаасаа өөрийгөө шалгах замаар хэрхэн оноо тооцох үйл явцыг ойлгож авах боломжтой байдаг. Шалгуулагч нь 400-1600 онооны хооронд дүгнэгдэнэ. Хэсэг бүр дээр “карманы” 200 оноотой гэж ойлгож болно. Монголын ЭЕШ мөн адилхан тийм байдаг. Evidence-Based Reading хэсэг дээр 200-800, Math хэсэг дээр мөн 200-800 оноо авч нийлбэр дүн тооцогдох болно. Optional Essay нь тусдаа дүгнэгдэх ба хоёр шалгагч таны эсээг уншиж гурван төрлөөр (Reading буюу унших чадвар, Analysis буюу анализ хийх чадвар, мөн Writing буюу бичих чадвар) 2-8 оноогоор тус тус дүгнэх болно.

БЭЛТГЭЛ, ЗӨВЛӨГӨӨ

Даяарчлагдсан нээлттэй нийгмийн ач гавьяагаар та л хүсэх юм бол ямар ч төрлийн мэдээ мэдээлэл, хэрэгтэй материалыг цахимаар олоход хялбар юм. Гэхдээ тэр болгон бас үр дүнтэй байгаад байдаггүй гэдгийг бодох нь зүйтэй. 

  • KhanAcademy нь CollegeBoard-тай хамтарч ажилладаг үнэгүй видео хичээл тавьдаг сайт билээ. Энэ сайтын гишүүн болсноор та SAT-ийн үнэгүй хичээл авахаас гадна төлөвлөгөөгөө боловсруулж, тодорхой сул хэсгээ сайжиртал бэлдэх бүрэн боломжтой.
  • Дээрх сайтад байдаг 6 ширхэг Practice Test жинхэнэ тесттэй тун төстэй байдаг тул эхлээд нэгийг нь туршилтын журмаар заавал өгч үзэх хэрэгтэй. Энэ нь таныг ямар төвшинд байгааг чинь тодорхойлж өгөхөөс гадна цагаа хэрхэн яаж зарцуулах тал дээр баримжаатай болж авна гэсэн үг.
  • Шалгалтад орохоосоо өмнө дээрх 6 тестийг заавал хийж дуусгахыг зөвлөж байна. Зарим номууд дээр байдаг тестүүд хэт амархан эсвэл хэт хэцүү байдаг болохоор хүүхдүүд жинхэнэ шалгалт дээр хүссэн оноогоо авч чаддаггүй тохиолдол гардаг.
  • Хэдийгээр шинэ SAT-д үг шалгах асуултууд олноороо байхаа болчихсон ч үг мэдэж байх нь оноогоо ахиулах гайхалтай боломж. Танд Direct Hits-ийн үгнүүдийг цээжилж ороорой гэж зөвлөе. PrepScholar.com сайтад флашкарт маягаар 200 гаруй үг үнэгүй бэлдэж өгчихсөн байгаа.
  • Шалгалтаа цаасан дээр өгөх тул аль болох цаасан дээр хийж байхыг зөвлөмөөр байна.
  • Тооны машинтай сайн ажиллаж сураарай. Зарим шалгуулагчид шалгалт болох өдөр Graphic Calculator барьж ирчхээд ашиглаж мэдэхгүй байсаар цагаа алдах тохиолдол гардаг.
  • Та тоондоо сайн байж болно. Гэвч шалгалт англи хэл дээр явагдах тул тодорхой хэллэгүүдийг зайлшгүй мэдэх шаардлагатай.
  • Монголд см, м-ээр уртыг хэмждэг бол АНУ-д инч, футээр, манайд шингэн зүйлийг литрээр хэмждэг бол тэнд баррел гэх жишээний. Иймхэн зүйлээс болж мэдэж байгаа зүйл дээрээ алдвал хайран юм болно.
  • Бэлтгэл дээрээ аль болох шалгалт өгч байгаа юм шиг хийгээрэй. Шаблон бөглөх бас амаргүй. Зөрүүлэх, буруу бөглөх, илүү гаргах, дутуу бөглөх зэрэг асуудлууд бий шүү. Таны бодолт, тэмдэглэгээг ер авахгүй, гагцхүү таны шаблоныг автомат машин уншина гэдгийг санаарай.
  • Номын хувьд: Erica L.Meltzer зохиогчийн номууд их зүгээр санагдсан. The Critical Reader, The Ultimate Guide to SAT Grammar зэрэг номтой. Мөн The Princeton Review-ийн 500+ Practice questions for the NEW SAT ном нь их энгийн хэллэгээр бичигдсэн байдаг. Дээрээс нь мэдээж CollegeBoard-ийн өөрсдийнх нь гаргадаг The Official SAT Guide-ийг туршиж үзэхэд илүүдэхгүй.
  • Нэмэлтээр: Зөвхөн монголчуудад биш зарим америк уугуул иргэдэд ч Evidence-Based Reading хэцүү байдаг бөгөөд цаг нь бага зэрэг давчуу байх асуудал үүсдэг. Энэ нь таны академик унших чадварыг шалгадаг хэсэг учраас хэр их академик эх уншина, тэр хэрээр сайжирна л гэсэн санаа.

А. SAT бүтэц шинээр өөрчлөгдсөн ч гэсэн хуучин SAT эхүүдийг уншиж нүдээ дасга, ядаж унших хурдаа сайжруул, ойлгож унш, шаардлагатай бол тэмдэглэгээ хий.

Б. Интернет ашиглан The Reason, Time, Harvard Business Review, The Economist, Guardian, The Wall Street Journal, The Independent зэрэг сэтгүүлүүдийн мэдээ, нийтлэлүүдийг тогтмол уншиж бай, шаардлагатай бол сошиалаар дагах байдлаар өөртөө ойр байлга.

  • Шинэ SAT 200-300 жилийн өмнөх нийтлэлүүд, тухайн үеийн уран зохиол, түүх, нийгмийн талаарх эхүүдийг оруулж ирдэг болсноор онцлогтой. Тухайн үеийн англи хэл одоогийнхтой 100% адилхан биш гэдгийг санаарай. Тэгэхээр урьдчилж тухайн үеийн тодорхой үг хэллэг, түүх нийгмийн бага зэрэг мэдлэгтэй байхад илүүдэхгүй биз ээ.
  • Шинэ SAT-гийн өөр нэг онцлог нь та буруу бөглөсөн тохиолдолд хасах оноо авахгүй, зүгээр л 0. Тэгэхээр шаблоноо хоосон орхиж болохгүй. Чадлаараа хийчхээд, мэдэхгүй асуултаа “ухаалаг” аргаар тааж үзэхийг оролдоорой. Бүр болохгүй бол дуртай үсгээ бөглөж явуулах нь хоосон явуулснаас лав дээр байдаг шүү.
  • Хувиараа бэлдээд ахиц муутай байвал богино хугацааны багштай болох хэрэгтэй байх. Монголд үйл ажиллагаагаа явуулдаг маш олон сургалтын төвүүд бий. Тэдгээрээс өөртөө тохирох сургалтын төвийг сонгон хичээллэх боломжтой. Тэгэхдээ хамгийн гол нь 99% таны ИТГЭЛ, СЭТГЭЛ, ЗҮТГЭЛ-ээс шалтгаална гэдгийг бүү мартаарай.
  • Шалгалтын өдөр сэтгэл зүйн өндөр бэлтгэлтэй орох хэрэгтэй. Өмнөх өдөр нь маш бага давталт хийгээд, шалгалтын “паник”-ээс ангижирч бүтэн нойр авах чухал байдаг. Өглөөний цайгаа заавал ууж, хөнгөхөн шиг хооллож очоорой. Зөвлөхөд гадил жимс, цэвэр шоколад идвэл анхаарлаа сайн төвлөрүүлэхэд тань тусална.

Товчхон танилцуулахад ийм байлаа. За тэгээд амжилт хүсье!

Дэлгэрэнгүй унших

Бусад

Оюутолгойн шалгалтын баримтуудыг Засгийн газар татаж авчээ

Published

on

By

Эрх баригч намынхан Үндсэн хуулийн өөрчлөлтөд улайрч Оюутолгойн асуудлыг орхигдууллаа. Өөрөөр хэлбэл, Оюутолгойн асуудлыг Үндсэн хуулийн өөрчлөлтөөр далимдуулж нам дарсан бололтой. Уг нь  Оюутолгойтой холбоотой барим тавим баримт, санал шүүмжлэл шалгалтын материалуудыг мэргэжлийн байгууллагуудаас гаргасан. Тухайлбал, АТГ-ын дарга асан Х.Энхжаргал өнгөрсөн тавдугаар сард ажлаа өгөхдөө “ҮАБЗ-ийн гишүүдэд Оюутолгойтой холбоотой маш ноцтой баримтуудыг өгсөн. Энэ шалгалтыг зайлшгүй цааш нь явуулах хэрэгтэй. Оюутолгойд хийж буй шалгалт 90-ээд хувьтай явж байгаа. Хамтад нь маш нууц материал танилцуулсан. 33 их наяд төгрөг дээр гүйцэтгэх ажил, мөрдөн байцаалт явуулж болохгүй, нууцлалтай мэдээлэл Татварын ерөнхий газар дээр байсан. Прокурорын зөвшөөрлөөр АТГ өнгөцхөн  танилцсан” гэсэн удаатай. Ерөнхий аудитороор ажиллаж байсан Д.Хүрэлбаатар мөн л “Оюутолгойн гэрээг шалгуулахгүй гэсэн хар хүч парламентад байна” гэж хэлээд албан тушаалаа өгч байв. Мөн  УИХ-ын гишүүн Д.Тэрбишдагваар ахлуулсан ажлын хэсэг Оюутолгойн гэрээг нэг жил гаруйн хугацаанд шалгасан байдаг. Ажлын хэсгээс гэрээний зарим зүйл заалтад зайлшгүй засвар оруулах ёстой гэсэн дүгнэлтэд хүрээд байгаа ч шалгалтын дүн Монголын парламентаас  өмнө “Риотинто”-гийн мэдэлд очсон зэргээр энэ гэрээ ээдрээтэй, сэжиг таамаг дагуулсан хэвээр байна.

Тэгвэл ҮАБЗ, парламент, Засгийн газар дээр гацчихаад байгаа Оюутолгойтой холбоотой асуудал ойрын үед хөдөлж эхлэх бололтой. Засгийн газар өнгөрсөн долоо хоногт Оюутолгойтой холбоотой хууль хяналтын болон мэргэжлийн байгууллагуудын бүх мэдээллийг татаж авсан байна. Оюутолгойн гэрээг шалгасан УИХ-ын Ажлын хэсгийн дүгнэлт, аудитын шалгалт, хууль хяналтын байгууллагын мэдээллээс эхлээд бүх баримтыг татжээ. Эндээс харвал ашигтай, ашиггүй, өөрчлөх нь зөв буруу гэгдээд арав дахь жилийнхээ нүүрийг үзэж буй Оюутолгойтой холбоотой Засгийн газрын байр суурь тодрох бололтой. Харин Уул уурхай, хүнд үйлдвэрийн сайд Д.Сумъяабазар “Хариуцаж байгаа салбарын сайдын хувьд   “Дубайн гэрээ”-г сайн  гэж хэлэхгүй.  Оюутолгой төслийн гэрээг төгс гэрээ гэж би хэлэхгүй. Гэхдээ сайжруулж, засч залруулаад явах боломж бий. Хэлэлцээний ширээний ард сууж ухаалгаар шийдэх ёстой. Оюутолгойн төслийн явцыг харж байж дараа дараагийн гаднын хөрөнгө оруулагчид Монголд хөрөнгө оруулах эсэхээ шийдэх учраас бид энэ асуудал маш нухацтай, соёлтой байдлаар хандах ёстой. Гаднын хөрөнгө оруулагчдын бодлогыг бид бодлогоор дэмжих ёстой. Мөн төсөв, эдийн засгаа нэмэх бодлогыг чухалчлах нь зөв. Салбарын сайдын хувьд салбараа хамгаалах бодлого барьж ажиллахаас өөр арга байхгүй” гэсэн байр суурийг илэрхийлсэн байдаг. Засгийн газрын эл үйлдлээс харвал ойрын үед Оюутолгойн гэрээг хэрхэх талаарх шийд буюу “Риотинто”-той ойлголцлын ширээнд ард суух эсэх нь тодорхой болох гэнэ.
 

Эх сурвалж: “Зууны мэдээ” сонин
С.Уянга

Дэлгэрэнгүй унших

Бусад

Нийслэлд ХДХВ/ДОХ-ын гурван тохиолдол шинээр илэрчээ

Published

on

By

Улаанбаатар хотод 2019 оны долоодугаар сард ХДХВ/ДОХ-ын гурван тохиолдол шинээр илэрлээ. Өмнөх сард шинээр хоёр тохиолдол илрээд байсан юм.

Ийнхүү улсын хэмжээнд бүртгэгдсэн ХДХВ/ДОХ-ын нийт тохиолдол 277 болсон байна. Нийт халдварт өвчнөөр өвчлөгчид 2019 оны эхний долоон сард 26 мянга болж, өмнөх оны мөн үеэс 4.2 хувиар өсжээ. Үүнд салхин цэцгээр өвлөгчдийн тоо 43.9 хувиар өссөн нь голлон нөлөөлсөн аж.

Мөн эрүүл мэндийн даатгалын сангаас үнийн хөнгөлөлт үзүүлдэг эмийн борлуулалт энэ оны эхний долоон сард 24.5 тэрбум төгрөг болсон бөгөөд үүнээс зүрх судасны эмийн борлуулалт 47.3 хувийг нь эзэлж байна.

Эх сурвалж: Үндэсний статистикийн хороо

Дэлгэрэнгүй унших

Онцлох