Connect with us

Бусад

НАРГИЖ ЦЭНГЭЖ ЯВАХДАА НЯЛХ ХҮҮХДЭЭ БИТГИЙ ДАГУУЛЖ ЯВААЧЭЭ

Оруулсан:

огноо:

-Хүүхэддээ тавих хараа хяналтаа сайжруулъя, эцэг эхчүүдээ-
Сургууль, цэцэрлэг амарсан энэ өдрүүдэд бага насны хүүхдүүдэд тавих хараа хяналт суларсан байна. Эцэг эхчүүд нь ажилтай, эсвэл асран хамгаалагчид нь хараа хяналтгүй орхисноос болж насанд хүрээгүй хүүхэд гэмт хэрэгт өртөх, машинд мөргүүлэх, гал түймэрт өртөх, усанд осолдох гэх мэт харамсалтай хэргүүд ар араасаа гарсаар байна.

Өчигдөр гэхэд голын зах дээр тоглож байсан бага насны хүүхэд ээжийгээ бие засах хойгуур усанд осолдож амиа алдсан харамсалтай хэрэг гарлаа.

Дархан-Уул аймагт гурван хүүхэд гэртэйгээ шатаж амиа алдав. Хоёр настай хүү модон жорлонд унаж амиа алдав. Хоёр хүүхэд харгалзах хүнгүйгээр замын хөдөлгөөнд орж байхдаа машинд дайруулсан гэх мэт харамсалтай хэргүүд гарав.

Энэ бүхний ард нөгөө асран хамгаалагч, эцэг эхчүүд буруутай. Хүүхдээ харж хандахгүй айлд үлдээх зэргээр хайхрамжгүй хандаад байна.

Түүнээс гадна энэ халуунд гол ус руу гарч наргиж цэнгэх дуртай ард түмэн нялх нойтойн хүүхдүүдээ дагуулаад явдаг. Очоод ууж идэхдээ хүүхдүүдээ ор тас мартдаг. Үүний улмаас бага насны хүүхдүүд усанд унаж осолдох, живсээр байна.
Одоогоос хоёр жилийн өмнө найман сартай хүүгээ аваад явсан ээж найзуудтайгаа наргиж цэнгэж байгаад мөлхөж байсан хүүгээ усанд алдаж байсан удаатай. Мөлхөж байгаа хүүхдээ анзааралгүй хөзөрдөж, архидана гэдэг аймшигтай. Ийм хүнийг эх гэж хэлэхгүй. Энэ бол гашуун сургамж юм.

Зуны улиралд хүүхдүүд битгий хэл томчууд ч усанд осолдох харамсалтай хэрэг буурдаггүй талаар Онцгой байдлын албанаас байнга хэлдэг.

Ойрын өдрүүдөд 32 хэм хүртлээ хална. Хэт халуунд халууцсан хүмүүс хэсэг бүлгээрээ нийлж гол ус бараадаж, мах шарж идэж, архи пиво ууж амарч зугаалж байгаад “аюулд” өртдөг. Сэрүүцэх гэж усанд ороод хөл алдаж, живдэг талаар албаныхан ярьж байгаа юм.

Өөрөөр хэлбэл, цаг агаарын хэт халалт, дулааралттай холбоотой энэ нөхцөл байдлаасаа болоод иргэд усанд орж сэрүүцэх зэргээс үүдсэн усны осол нэмэгддэг байна.

Тиймээс иргэн хүний сонор сэрэмж маш чухал байна. Аль болох бага насны хүүхдээ дагуулж явахгүй байх. Дагуулж явсан ч хараа хяналтаа сайн тавьж байхыг байнга анхааруулдаг. Гэвч манайхан үнэн хэнэггүй хайнга хүмүүс байдаг. Гол, усны осол нь ихэвчлэн иргэдийн анхаарал болгоомжгүй байдал, бага насны хүүхдийг хараа хяналтгүй орхисноос, согтууруулах ундаа хэрэглэсэн үедээ гол усанд орох зэрэг шалтгаанаас үүдэлтэй байдаг аж..

Нөгөөтэйгүүр эцэг эхчүүд ерөнхий боловсролын сургуулийн зуны амралт эхэлсэнтэй холбогдуулаад орон нутаг руу хүүхдүүдээ  аав, ээж, ах дүү, хамаатан садан руугаа явуулдаг. Үүнээс үүдэн хүүхдийн хараа хяналт суларсантай холбоотойгоор хүүхдүүд усны осолд их өртдөг.

Зүгээр тайван сайхан энэ цаг үед гэнэтийн хайхрамж, болгоомжгүйгээс болоод хүүхдүүд усанд эндэж байгаа ноцтой ослууд гардаг. Энэ тал дээр та бүхэн анхаар. Энэ хүүхдүүдээ хамгаалаач ээ гэдгийг эцэг эхчүүдэд хэлэх хэрэгтэй.
Тиймээс хөдөө орон нутагт тохиолдоод байгаа усны ослоо хүүхдүүд, ард иргэдээ сэргийлье.

Өөрсдийнхөө амь насыг хайрлаач ээ, таны амь нас таны гарт байгаа гэдгийг сайн ухамсарлаж, хариуцлагатай байхгүй бол болохгүй.

Усны осол тоо ихэснэ. Хариуцлага гэхээр хууль, тогтоомжийн хүрээнд хатуу чанга зүйлийг ард иргэд ойлгоод байгаа. Хариуцлага гэдэг бол хариуцаж байгаа үйлийн нэрийг хэлээд байдаг юм байна. Тэгэхээр эцэг эх нь хүүхдээ хамгаална гэдэг нь хариуцлага гэдгийг яриад байгаа шүү. Хариуцлагатай байя, хайртай үр хүүхдээ гэнэтийн аюул ослоос үргэлж хамгаалж явъя.

О.Гэрэл
Оллоо.mn 

Бусад

Багануур дүүргийн Цагдаагийн хэлтэс шинэ байранд орлоо

Published

on

By

Нийслэлийн Засаг дарга бөгөөд Улаанбаатар хотын захирагч С.Амарсайхан өнөөдөр Нийслэлийн алслагдсан Багануур дүүрэгт ажиллаж байна. Энэхүү ажлын хүрээнд Багануур дүүргийн шинэ байрны нээлтийн ажиллагаанд оролцлоо. Тус арга хэмжээнд ХЗДХ-ийн сайд Ц.Нямдорж, ЦЕГ-ын болон Багануур дүүргийн удирдлага, бусад холбогдох албаны хүмүүс оролцлоо.

Багануур дүүрггийн Цагдаагийн хэлтэс нь 41 жилийн өмнө байгуулагдсан цагаасаа эхлэн өөрийн гэсэн албаны байргүй, дүүргийн ЗДТГ-ын байрны өрөөг түрээслэн ажил үүргээ гүйцэтгэж ирсэн аж. Нийслэлийн нэг тэрбум 850 сая төгрөгийн хөрөнгө оруулалт, Багануур дүүргийн Засаг даргын дэмжлэгтэйгээр цагдаагийн хэлтсийн албаны зориулалтын байрны бүтээн байгуулалтын ажил өнгөрөгч оны 7 дугаар сараас эхлэж, жил гаруйн хуганцаанд барьж байгуудан өнөөдөр ашиглалтад оруулж байна.

Хотын дарга С.Амарсайхан “Та бүхэнд шинэ орд өргөөтэй болж алба үүргээ амар тайван, ая тухтай орчинд гүйцэтгэх болсонд баяр хүргэе. Нийслэлийн алслагдсан дүүргүүд болох Багануур, Налайх, Багахангай дүүргүүдэд ямар нэгэн төсөл хөтөлбөр, хөрөнгө оруулалтын ажлууд орхигдсоор ирсэн байдаг. Бид сүүлийн жилүүдэд төлөвлөсөн ажлуудынхаа ард гарч, цөөнгүй ажлуудыг эхнээсээ хэрэгжүүлж байна. Ард иргэдийн аюулгүй, амар тайван байдлын төлөө өргөсөн тангарагтаа үнэнч ажилладаг цагдаагийн байгууллагын ажилтнуудын ажиллах орчин, нийгмийн асуудлыг шийдвэрлэхийн төлөө хичээн ажиллах болно. Удахгүй та бүхний ажлын хэрэгцээнд нэн шаардлагатай туулах чадвар сайтай авто машины парк шинэчлэлийг удахгүй хийхээр төлөвлөж байна, та бүхэндээ ажлын өндөр амжилт хүсье” гэлээ.  

Нийслэлийн төсвийн хөрөнгө оруулалтаар Сүхбаатар, Багахангай дүүрэгт цагдаагын хэлтсийн шинэ байрууд ашиглалтанд оруулахын дээр цагдаа, дотоодын цэргийн алба хаагчдын албан тушаалын орон сууцыг барьж байгуулна гэдгийг энэ үеэр Хууль зүй дотоод хэргийн сайд Ц.Нямдорж салбарынхандаа хандаж хэлсэн юм.

Нийслэлийн ЗДТГ-ын Хэвлэл мэдээлэлтэй харилцах хэлтэс

Дэлгэрэнгүй унших

Бусад

Японд жаран жил тохиогоогүй гамшиг нүүрлэв

Published

on

By

Япон улс сүүлийн 60 жил нүүрлээгүй байгалийн гамшигтай нүүр тулж, олон иргэнээ алдаж, ихээхэн хэмжээний хохирол амсаад байна. Өнгөрсөн Ням гариг (2019.10.13)-ийн 21:00 цагийн үед NHK телевиз “Хүчтэй хар салхины улмаас Канагава, Точичи, Гунма, Мияги, Фукушима, Сайтама, Ивате, Нагано, Ибараки, Чиба, Шизуока мужуудад нийт 28 хүн амиа алдаж, 18 хүн сураггүй алга болж, 177 хүн бэртэж гэмтээд байна” хэмээн мэдээлэв.

Тус мэдээллээс нэг цагийн дараа “Киодо” агентлаг хар салхины улмаас амиа алдсан хүмүүсийн тоо 33-д хүрч, 19 хүн сураггүй алга болж, 180 гаруй хүн бэртэж гэмтсэн талаар мэдээлсэн юм. Ийнхүү хар салхины улмаас хохирогчдын тоо цаг тутам нэмэгдэж байгаа аж.

Албаны хүмүүс учирсан хохирлын хэмжээг тогтоохоор ажиллаж эхэлжээ. Япон даяар 10 далан нурсан байна. Японы Газрын яамнаас өнгөрсөн Ням гариг (2019.10.13)-ийн үдээс хойш “Хагибис” хар салхи, хүчтэй борооны улмаас есөн голын 10 далан нурсан талаар мэдээлжээ. Японы ерөнхий сайд Абэ Шинзо иргэдийн аюулгүй байдлыг хангах бүх арга хэмжээг авахыг сайд нарын танхимдаа даалгажээ.

Филиппинчүүдийн тагалог хэлээр “хурд” гэсэн утгатай Хагибис хар салхины улмаас Токио хотын дэлгүүр, худалдааны байгууллагууд хаагдаж, метро, төмөр замын чиглэлүүд, агаарын нислэгүүд саатаж, Рэгбийн дэлхийн аварга шалгаруулах тэмцээн, Формула Нэг авто уралдаанууд завсарлав.

Хагибис нь 1958 оноос хойш Токио хотыг дайрсан хамгийн хүчтэй хар салхинд тооцогдож буй юм. 1958 онд дайрсан Ида хар салхины улмаас 1000 гаруй хүн амиа алдаж байжээ. Японы арлуудыг сарын өмнө хүчтэй хар салхи дайрч, 30 мянган өрхийн сууц сүйрч, цахилгаан эрчим хүчний саатал үүссэн билээ.

ANA, Japan Airlines зэрэг Японы авиа компаниуд Баасан гариг (2019.10.11)-ийн үдээс хойшоос эхлэн зарим нислэгүүдээ цуцалсан билээ. Токио, Нагояа болон Нагояа, Осакагийн хурдан галт тэрэгний үйлчилгээнүүд зогсож, Токиогийн метроны ихэнх чиглэлийг бүрэн хаагаад байв.

Токио хотын Диснейлэнд үйл ажиллагаагаа бүрэн зогсоосон юм. Энэ нь 1984 оноос хойш анх удаа цаг агаараас хамааралтай үйл ажиллагаа нь зогссон тохиолдол болжээ.

“Хагибис” хар салхи нь Номхон далайд үүссэн энэ жилийн хамгийн хүчтэй хар салхи аж. Японы хэвлэлээр өмнө нь энэхүү гамшгийн улмаас ойролцоогоор 8000 хүн үрэгдэнэ гэж мэдээлж байв. Япончууд хар салхины аюулаас урьдчилан сэргийлж, онцгой байдлын үед хэрэглэх хүнсний нөөцөө базааснаар дэлгүүрийн лангуунууд нь хоосорчээ.

Аврах ажиллагааны үеэр Японы Фукусима мужийн Иваки хотод амьдардаг, 70 настай нэгэн эмэгтэй 40 метрийн өндрөөс нисдэг тэрэгнээс унасан байна. Түүнийг эмнэлэгт хүргэсэн бөгөөд клиник үхэлд оржээ.

Японд хар салхи нүүрлэх үеэр Токиогийн буланд Панамын хөлөг онгоц живсэн талаар “Киодо” агентлаг Японы эргийн харуул хамгаалалтын албаны мэдээллээс иш татан мэдээлжээ. Тус хөлөг онгоцонд Хятадын долоон иргэн, гурван мьянмар, хоёр вьетнам иргэн байсан аж.

Японы Ерөнхий сайд Шинзо Абэ тус улсад нүүрлэсэн “Хагибис” хар салхины дараа мэдэгдэл хийж, хүмүүс нас барж, хохирч буйд харамсаж байгаагаа хэлээд, хохирогчдын ар гэр, төрөл төрөгсдөд эмгэнэл илэрхийлжээ. Түүний хэлснээр, өдгөө эрэн хайх, аврах ажиллагаанд 27 мянга гаруй хүн тусалж байгаа аж.

Нийгмийн сүлжээний нэгэн хэрэглэгч Японы эрэг орчимд нүүрлэсэн Хагибис хар салхины гамшгийн дүрс бичлэгийг нийтэлжээ. Тус бичлэгээс машинууд эргэж, цахилгааны шонгууд унаж буй байдал болон сүйрсэн барилга байгууламжуудыг харж болохоор ажээ. “Хагибис” хар салхины хурд 45 м/с байсан бол зарим газраар 65 м/с хүрч ширүүссэн байна.

Эх сурвалж: NHK, Kyodo, Reuters

Дэлгэрэнгүй унших

Бусад

Засгийн газрын даалгавраар 110 га талбайд нөхөн сэргээлт хийжээ

Published

on

By

Усны эх, археологийн олдвор бүхий газарт экологийн тэнцвэрт байдлыг алдагдуулан үйл ажиллагаа явуулж буй уул, уурхайн компани, аж ахуй нэгжүүдийн олборлолт хайгуулыг зогсоосон. Энэ хүрээнд Архангай аймгийн Цэнхэр сумын Орхон багийн нутагт алт олборлож байсан аж ахуй нэгжүүдийн 13 тусгай зөвшөөрлийг цуцалж, үйл ажиллагааг нь таслан зогсоож, нөхөн сэргээлт хийхийг үүрэг болгосон. Засгийн газраас томилогдсон ажлын хэсгийн гишүүд энэ сарын 17-ны өдөр өгсөн үүрэг, даалгаврын биелэлтийг газар дээр нь шалгав. Орхон багийн нутагт таван компанийн 190 гаруй ажилтан 66 техник хэрэгсэлтэйгээр ажиллаж байгаа бөгөөд өнөөдрийн байдлаар 85 га-д техникийн, 25 га-д биологийн, нийт 110 га талбайд тус тус нөхөн сэргээлт хийжээ.

Төлөвлөгөө ёсоор “БМНС” ХХК нийт 48 га талбайд нөхөн сэргээлт хийхээс 34 га-д гүйцэтгэл хийж, үлдсэн 14 га талбайг ирэх сарын нэгэн гэхэд нөхөн сэргээж дуусгана гэжээ. “Улз” ХХК-ийн хувьд 64 га талбайд нөхөн сэргээлт хийсэн бол “Алтай голд” ХХК 15 га-аас 9 га-д, “Батдөлгөөнмөрөн” ХХК 3 га талбайд тус тус нөхөн сэргээлт хийгээд байна.

Архангай аймгийн Цэнхэр сумын Орхон багт нийт 400 га талбайд нөхөн сэргээлт хийх ёстой. Засгийн газрын шийдвэр гарснаас хойшхи 24 хоногт 110 га талбайг ийнхүү нөхөн сэргээсэн аж ахуй нэгжүүдэд цаг агаар хүйтэртэл нөхөн сэргээлтийг үргэлжлүүлж, шахуу хувиараар ажиллан бүх талбайг нөхөн сэргээхийг чиглэл болгов. Олборлолт хийж байсан талбайг цагдаагийн хамгаалалтад авч, нөхөн сэргээлтийг явуулж байна.

Дэлгэрэнгүй унших

Онцлох